Россия Федерациясе оборона министры Сергей Шойгуның Казанга эш визиты

Россия Федерациясе оборона министры Сергей Шойгу Казанга эш визиты кысаларында «КАПО-Композит» предприятиесендә һәм Горбунов исемендәге Казан авиация заводы – «Туполев» ААҖ филиалының җитештерү цехларында булды. Россия Федерациясе Оборона министры башлыгын Татарстан Республикасы Президенты Рөстәм Миңнеханов, Татарстан Республикасы Премьер–министр урынбасары– Татарстан Республикасы сәнәгать һәм сәүдә министры Равил Зарипов озата йөрделәр.
«КАПО-Композит»та Сергей Шойгуга ”Сухой Суперджет 100” һәм “МС-21” пассажир самолетлары өчен канатларын механикалаштыруның композит детальләре җитештерүен күрсәттеләр. Киләчәктә композит материаллар хәрби самолетларда да кулланылырга мөмкин. Россия Федерациясе Оборона министрына авиация өчен Татарстан предприятиеләренең һәм фәнни-проектлау институтларының барлык мөмкинлекләрен: ”КАИ-Композит” инжиниринг үзәген, ГИПО, ”ICL КПО ВС”, “Казан синтетик каучук заводы”н, “Казан Гипронииавиапром”ны тәкъдир иттеләр.
Горбунов исемендәге Казан авиация заводында – «Туполев» ААҖ филиалында Сергей Шойгу Ту-22М3 и Ту-160 ерак стратегик бомбардировщикларына капиталь ремонт ясау һәм аларны модернизацияләү цехында булды. Шуннан соң Россия Федерациясе Оборона министры ерак авиация самолетларын торгызу, модернизацияләү һәм очарлык хәлдә тоту мәсьәләсе буенча киңәшмә уздырды.
Киңәшмәне ачып, министр ерак авиация самолетларын ремонтлау һәм модернизацияләү мөмкинлекләрен һәм башкарылган эшләрнең вакытын һәм сыйфатын яхшырту чараларын карауны тәкъдим итте. «Без Ту-22 буенча планлы күрсәткечләргә чыгырбыз дип өметләнәбез, инде быел без 10 самолет алачакбыз, ә 2015-2016 елларда елына 12 самолетка чыгырбыз, - дип әйтте Сергей Шойгу. “Тишеле йөкләмәләр ерак авиация командалыгына да бирелде”.
Киңәшмәдә Сергей Шойгу билгеләгәнчә, 2016 елның ахырына Россиянең Хәрби һава көчләренең ерак авиация самолетларының төзеклеге 80% тәшкил итәргә тиеш була. Россия Федерациясе Оборона министры хәбәр иткәнчә, узган елны ул Казан авиация заводында булып, заводның ерак авиация самолетларын капиталь ремонту ясау һәм модернизацияләү мөмкинчелекләре белән инде танышкан иде.
Татарстан Президенты Рөстәм Миңнеханов чыгышында Татарстанда 13 оборона предприятиесе һәм 20 НИИ булганын искәртте, аларда 46 мең кеше эшли. Җитештерү күләмнәре үсеше 2013 елда 12%, ә 2014 елның 1 кварталында - 10%тан артык тәшкил итте.