Казанда “Тимер юл машина төзелеше өлкәсендә Россия –Германия хезмәттәшлеге перспективалары турында” халыкара конференция эшен башлады

2014 елның 5 июнендә Казанда “Тимер юл машина төзелеше өлкәсендә Россия –Германия хезмәттәшлеге перспективалары турында” халыкара конференция эшен башлады. Конференцияне оештыручылар – Татарстан Республикасы Сәнәгать һәм сәүдә министрлыгы, “Тимер юл техникасын җитештерүчеләр берләшмәсе” коммерцияле булмаган партнерлык, Германиянең тимер юл сәнәгате берлеге (VDB).
Конференциянең беренче көне кысаларында Татарстан Республикасы кооперация биржасы һәм сәнәгать предприятиеләре күргәзмәсе узды. Чара Татарстан Республикасы Премьер–министр урынбасары–Татарстан Республикссы сәнәгать һәм сәүдә министры Равил Зарипов, «ОПЖТ» коммерцияле булмаган предприятие вице–президенты Николай Лысенко һәм VDB президенты доктор Мартин Ланге рәислегендә узды.
Конференция эшендә «ОПЖТ» һәм VDB кергән транспорт машина төзелеше өлкәсенә караган 76 Россия һәм Европа компанияләренең һәм предприятиеләренең 152 вәкиле катнашты.
2014 елның 6 июнендә “Тимер юл машина төзелеше өлкәсендә Россия –Германия хезмәттәшлеге перспективалары турында” конференция эше дәвам итәчәк.
Конференция эшендә Татарстан Республикасы Премьер–министр урынбасары –Татарстан Республикасы сәнәгать һәм сәүдә министры Равил Зарипов, «ОПЖТ» коммерцияле булмаган предприятие президенты, «РЖД» ААҖ өлкән вице–президенты Валентин Гапанович, VDB президенты доктор Мартин Ланге, Татарстан Республикасы хакимият органнары вәкилләре, Россия һәм Европаның транспорт машина төзелеше әйдәп баручы предприятиеләре җитәкчеләре катнашты.