“Агач эшкәртү” һәм “Интермебель” махсуслаштырылган күргәзмәләр ачылды

2014 елның 3 июнендә “Казан ярминкәсе” күргәзмә үзәге территориясендә “Агач эшкәртү” XV урман сәнәгате комплексы казанышлары һәм “Интермебель” XVI халыкара махсуслаштырылган күргәзмәләре ачылды.
Чараларда Татарстан Республикасы Сәнәгать һәм сәүдә министрлыгы, Татарстан Республикасы Урман хуҗалыгы министрлыгы, Казан шәһәре мэриясе, «Центрлесэкспо» ААҖ, “Агач эшкәртү машина төзелеше предприятиеләре һәм оешмалары Ассоциациясе”, “Агач өйләр төзү ассоциациясе” коммерцияле булмаган предприятиеләр, Татарстан Республикасы мебель һәм агач эшкәртү предприятиеләре Ассоциациясе, Беларусь Республикасының Россия Федерациясендәге Илчелегенең Казандагы бүлекчәсе вәкилләре катнашты.
Казанда үткәрелә торган әлеге махсуслаштырылган күргәзмәләр урман хуҗалыгы, урман эшкәртү һәм мебель тармагы сәнәгате белгечләренең традицион очрашу урыны булып тора.
«Интермебель» күргәзмәсе экспозициясе комплекслы характерда төзелгән һәм тармакның барлык юнәлешләрен үз эченә ала: мебель, фурнитура, мебель җитештерү өчен җайланмалар, ясалма таштан эшләнгән эшләнмәләр, интерьерлар дизайны.
“Агач эшкәртү” күргәзмәсе мәйданчыкларында махсус автоматлаштырылган комплекслар һәм җиһазлар, материаллар, инструментлар, агачтан төзелгән өйләр.
Быел «Интермебель» һәм “Агач эшкәртү” күргәзмәләрендә Россия Федерациясенең 20 регионнан һәм чит илләрдән 100 артык компания катнаша, шул исәптән, Финляндия, Швеция, Италия, Германия, Беларусь Республикасы.
2014 елның 3 –6 июнь көннәрендә күргәзмәләр кысаларында “Казан ярминкәсе” күргәзмә үзәгендә тематик семинарлар, тренинглар, мастер–класслар, «JIHAZ» («Жихаз») ел саен уздырыла торган мебель бәйгесе кысаларында “Иң яхшы мебель дизайны–2014”, “Иң яхшы мебель компоненты–2014”, “Инновация–2014”, “Иң яхшы интерьер–2014” номинацияләрдә тәҗрибәле жюри әгъзалары продукциянең иң яхшы үрнәкләрен сайлап алачаклар.