“WorldSkills Russia – 2014” һөнәр осталыгы милли чемптонатын үткәрүдә респуликаның сәнәгать предприятиеләре актив катнаша

2014 елның 16 маенда “WorldSkills Russia-2014” II милли чемпионаты узды. WorldSkills Russia – 2014" һөнәри осталыкның икенче илкүләм чемпионаты ачылу тантанасында Россия Федерациясе Хөкүмәте Рәисе урынбасары Ольга Голодец, Татарстан Республикасы Премьер-министры Илдар Халиков, Татарстан Республикасы Премьер–министр урынбасары –Татарстан Республикасы сәнәгать һәм сәүдә министры Равил Зарипов, Татарстан Республикасы Премьер–министр урынбасары –Татарстан Республикасы мәгариф һәм фән министры Энгель Фәттахов, Татарстан Республикасы сәнәгать предприятиеләре һәм укыту оешмалары вәкилләре катнашты.
“WorldSkills Russia – 2014” һөнәр осталыгы буенча икенче Милли чемпионаты мәйданчыгында Татарстан Республикасы Президенты Рөстәм Миңнеханов һәм Россия Федерациясе Хөкүмәте Рәисе урынбасары Ольга Голодец булдылар. Хөрмәтле кунаклар конкурс мәйданчыкларын, яшь белгечләрнең 38 һөнәр буенча осталыкларын күрсәтә торган җиһазларны карадылар.
Һөнәр осталыгы буенча чемпионатта илнең 40 регионнан 450 яшь егет һәм кыз катанашачак. Бәйгедә 35 комплект бүләк уйнатыла. Җиңүчеләр 2014 елның октябрендә Франциягә “WorldSkills International” Европа чемпионатына барачаклар.
Татарстан Республикасы җыелма командасы составында – 80 кеше.. Катнашучылар – республика сәнәгать предприятиеләренең яшь хезмәткәрләре һәм 20 урта һөнәри белем бирү учреждениеләре студентлары.
Милли чемпионатны үткәрү өчен мәйданчыкларның техник яктан җиһазлауда Татарстан Республикасы сәнәгать предприятиеләре бик зур ярдәм күрсәттеләр – "Казан вертолет заводы", «КАМАЗ», «Татнефть», «Горбунов исем. КАПО», «Казанькомпрессрмаш», «А.М. Горький исем. Зеленодольск заводы», «им. В.И. Шимко исем. ««Радиоэлектроника НПО», «Гипронииавиапром», «ТАИФ-НК», «Казаньоргсинтез», «Нижнекамскнефтехим», «Казан медик–инструменталь заводы», «Бәхетле», «Форд Соллерс», «Казан электротехника заводы», ФФКП «КГКПЗ», «МВЕН» фирмасы, «Казан синтетик каучук заводы».
Бу чара “Казан ярминкәсе” мәйданчыгында үтә. Бәйгеләр кысаларында, республика министрлыклары һәм ведомстволары, сәнәгать предприятиеләре һәм эшмәкәрләр вәкилләре катнашында тематик семинарлар, түгәрәк өстәлләр үткәреләчәк.