Татарстан Республикасы Сәнәгать һәм сәүдә министрлыгында Татарстан белән Һиндстанның хезмәттәшлек итү юнәлешләре хакында фикер алыштылар

2014 елның 13 маенда Татарстан Республикасы Сәнәгать һәм сәүдә министрлыгында Татарстан Республикасы Премьер–министр урынбасары– Татарстан Республикасы сәнәгать һәм сәүдә министры Равил Зарипов Һиндстан Республикасының Россия Федерациясендәге Гадәттән тыш һәм Тулы вәкаләтле илчесе Пунди Сринивасан Рагхаван белән очрашты. Очрашу барышында алдагы ике яклы хезмәттәшлек итү мәсьәләләре хакында фикер алыштылар.
Татарстан Республикасы Премьер–министр урынбасары– Татарстан Республикасы сәнәгать һәм сәүдә министры Равил Зарипов Татарстанның сәнәгать һәм инвестицион потенциалы турында сөйләде. Ул кластерлы якын килү кысаларында республиканың сәнәгатен үстерү перспективалары һәм агымдагы мәсьәләләре (автомобиль төзелеше, нефть химиясе, энергетика, ИТ–кластеры) хакында җиткерде. Һиндстан ягын “Алабуга” МИЗ инфраструктурасы һәм күрсәтелә торган ташламалар белән таныштырды. Равил Зарипов Татарстан Республикасы территориясендәге индустриаль мәйданчыклар эшчәнлеге турында сөйләде.
Татарстан Республикасы сәнәгать һәм сәүдә министрлыгы җитәкчесе Равил Зарипов Татарстан белән Һиндстан арасындагы товар әйләнеше 885,6 млн. долл. (2,3 мәртәбәгә артты), Һиндстан белән “Казан вертолет заводы”, “ТАИФ” компаниясе һәм башкалар актив хезмәттәшлек итә. Равил Зарипов ассызыклаганча, “Татарстан белән Һиндстан арасында сәүдә–икътисадый һәм фәнни–мәгариф өлкәсендә хезмәттәшлек итү өчен шактый зур потенциал бар”.
Һиндстан Республикасының Россия Федерациясендәге Гадәттән тыш һәм Тулы вәкаләтле илчесе Пунди Сринивасан Рагхаван үз чиратында Һиндстанның бизнес–делегациясе катнашучылары белән таныштырды (машина төзелеше, инжиниринг, нефть, газ, химия сәнәгате өчен җайланмалар төзү, буяулар җитештерү, фармацевтика, мәгълүмат технологияләре, туризм өлкәсендә эшчәнлек алып баручы компанияләр). Ул Татарстанны Россиянең уңышлы үсеп килүче регионнарының берсе икәнен һәм Татарстан белән Һиндстанның диверсификация юнәлешендәге үзара хезмәттәшлек итү өчен зур мөмкинлекләр булуын белдерде.
Очрашу барышында машина төзелеше, нефть химиясе, энергетика, фармацевтика, мәгълүмат технологияләре өлкәләрендә ике яклы сәүдә–икътисадый һәм инвестицион хезмәттәшлек итүнең перспектив юнәлешләре турында фикер алыштылар.