Чаллыда автомобиль йозаклары житештерүче завод ачылышы узды

2014 елның 13 маенда Чаллыда «КИП «Мастер» ААҖ мәйданчыгында автомобиль йөзаклары җитештерүче «Кикерт Рус» ҖЧҖ яңа заводның тантаналы ачылышы узды. «Кикерт Рус» ҖЧҖ, «КИП Мастер» ААҖ резиденты буларак, Чаллы шәһәрендә үзенең эшчәнлеген 2013 елдан бирле алып бара. “ГАЗ” төркеме өчен продукция чыгара торган ике җитештерү линиясе гамәлгә кертелде. Форд–Солерс өчен йөзаклар җитештерү линиясе – әзерлек этабында.
КИП “Мастер” мәйданчыгында җитештерү линиясенең монтажлауын компания агымдагы елның мартында тәмамлады. Башлангыч этапта автомобиль йөзаклары җитештерүче завод 1500 кв.метр мәйданын биләп алачак, берничә елдан ул 5000 кв.метрга җитәчәк. Оешмада 70 эш урыны булдырылачак, ике–өч елдан бу сан 240 җитәчәк дип көтелә. Хезмәткәрләр Германиядә һәм Чехиядә “Kiekert” заводында белем алачаклар.
“Kiekert” заводының Татарстан Республикасында планлаштырылган җитештерү күләме – 150 000 комплект. Бер елдан соң әлеге күрсәткечне ике тапкыр үстерергә ниятлиләр. Продукциянең төп кулланучылары – ГАЗ, Ford Sollers, АВТОВАЗ. “Kiekert” проектына инвестицияләрнең тулаем күләме – 500 млн. сум. агымдагы этапта компания 2 млн. евро инвестицияләде.
Мәгълүмат өчен:
Германиянең “Kiekert” компаниясе – автомобиль йөзаклары җитештерүче өлкәдә дөньякүләм лидер. 100 елдан артык компания барлык континетларда да автомобиль сәнәгатенең стратегик партнеры. Компания дөньядагы 50 автомобиль җитештерүче предприятиеләр белән эшчәнлек алып бара. Россиядә “Kiekert” компаниясе продукциясен Ford Sollers, АВТОВАЗ һәм ГАЗ компанияләре куллана.