Татарстан Республикасы Сәнәгать һәм сәүдә министрлыгында Кытайның Хунань провинциясе делегациясе белән очрашу узды

2014 елның 13 маенда Татарстан Республикасы Премьер–министр урынбасары– Татарстан Республикасы сәнәгать һәм сәүдә министры Равил Зарипов Кытай Халык Республикасы Хунань провинциясенең Бөтенкытай халык сәяси консультатив советы рәисе урынбасары У Дихай җитәкчелегендәге Кытайның Хунань провинциясе делегациясе белән очрашты.
Очрашуда Татарстан Республикасы Президентының халыкара мәсьәләләр буенча ярдәмчесе Радик Гыйматдинов, Хунань провинциясе дәүләт органнары һәм эшлекле даирәләр җитәкчеләре вәкилләре, Татарстан Республикасы Сәнәгать һәм сәүдә министрлыгы, Татарстан Республикасы Сәүдә–сәнәгать палатасы, сәнәгать предприятиеләре җитәкчеләре вәкилләре катнашты.
Татарстан Республикасы Сәнәгать һәм сәүдә министрлыгындагы очрашу барышында яклар ике яклы хезмәттәшлекне үстерү буенча фикер алыштылар.
Татарстан Республикасының сәнәгать һәм инвестицион потенциалы презентациясе белән Равил Зарипов чыгыш ясады. Ул шулай ук тотрыклы үсештә барган Татарстан –Кытай мөнәсәбәтләре, Татарстан белән Кытай Халык Республикасы предприятиеләренең хезмәттәшлек итү тәҗрибәсе хакында җиткерде, хезмәттәшлек итү өчен перспектив юнәлешләр билгеләде.
Татарстан Республикасы Сәнәгать һәм сәүдә министрлыгы җитәкчесе ассызыклаганча, 2014 елның февралендә Чунцине шәһәрендә (Кытай Халык Республикасы) Россия Федерациясенең Иделбуе Федераль округы һәм Кытай Халык Республикасының Янцзы елгасының югары һәм урта агымы регионнары арасында сәүдә–икътисадый һәм гуманитар өлкәләрендә хезмәттәшлек итү буенча беренче уртак эшче төркем утырышы узды.
2014 елның апрелендә Татарстан Республикасы Президенты Рөстәм Миңнеханов җитәкчелегендәге Татарстан Республикасы делегациясенең Кытайга эшче визиты булды. Татарстан делегациясе составына 58 кеше – дәүләт органнары һәм Татарстанның 23 предприятие вәкилләре керде. Визит программасы кысаларында Пекинда Кытайның һәм Татарстанның эшлекле даирәләр вәкилләре катнашында эшлекле форум узды.
Равил Зарипов билгеләгәнчә, “2013 елның нәтиҗәләре буенча Кытай белән Татарстан арасындагы ике яклы тышкы сәүдә әйләнеше 356,9 млн. долл. тәшкил итте һәм алга таба да ике яклы хезмәттәшлекне үстерү өчен зур потенциал бар. Татарстан Кытайның регионнары белән машина төзелеше, энергетика, нефть химиясе, индустриаль парклар булдыру, юл төзелеше, авыл хуҗалыгы өлкәләрендә кооперацияне киңәйтүдә кызыксына”.
Кытай Халык Республикасының Хунань провинциясенең Бөтенкытай халык сәяси консультатив советы рәисе урынбасары У Дихай Татарстан республикасы Сәнәгать һәм сәүдә министрлыгы җитәкчелегенә визит өчен, “Алабуга”МИЗ эшчәнлеге белән таныштырган өчен рәхмәтләрен җиткерде. Хунань провинциясе дәүләт органнарының һәм эшлекле даирәләрнең Татарстан белән хезмәттәшлек итәргә әзер булуларын хәбәр итте. Агымдагы елда Кытайның Хунань провинциясе бизнес– делегацияләренең Татарстан Республикасына берничә визиты планлаштырылуы турында җиткерде.
Татарстан Республикасы Сәнәгать һәм сәүдә министрлыгында үткән очрашуда катнашучылар Татарстан белән Кытайның Хунань провинциясе арасында хезмәттәшлек итү белән кызыксынуларын белдерделәр, шул исәптән, машина төзелеше, нефть химиясе, энергетика, ИТ–сектор өлкәләрендә.