Җиңү көне!

2014 елның 9 маенда Чаллының яңартылган “Ватан–ана” мемориаль комплексы янындагы мәйданда Җиңү Парады узды.
Тантаналы чараны башлап җибәрер алдыннан, шәһәр, предприятиеләр һәм оешмалар җитәкчеләре Хәтер вахтасында тордылар. 1 номерлы Постта Татарстан Республикасы Премьер–министр урынбасары– Татарстан Республикасы сәнәгать һәм сәүдә министры Равил
Зарипов, шәһәр мэры Васил Шәйһрәзиев, Шәһәр Советы депутатлары, шәһәр оешмалары һәм предприятиеләре җитәкчеләре торды.
Парадта катнашучылар шеренгасы торган мемориаль комплекс алдындагы мәйданга Россия һәм Татарстан Республикасы дәүләт флагларын, Җиңү байрагын һәм “2014 союзы – җиңү варислары” флагын алып чыктылар.
Парад расчетларының хәрәкәтен 82 номерлы кадет мәктәбе барабанщиклар колоннасы ачты, аннары патруль – пост хезмәте полкының оператив хезмәткәрләре, эчке эшләр идарәсе патруль–пост хезмәте полкы, яңгыннан саклану дәүләт гарнизоны һәм чик саклаучы ветераннар узды.
Алга таба Парадны кече буын Ватан саклаучылары дәвам итте: 82, 47 номерлы һәм «Калкан» лицее кадетлары, “Каскад” хәрби–патриотик клубы тәрбияләнүчеләре дәвам итте. Шәһәр вузлары һәм ссузлары студентлары Бөек Ватан сугышы хәрби киемнәрен киеп узды. Регулировщиклар колоннасын пехота гаскәре колоннасы алмаштырды. Сугыш ветераннарын һәм чаллыларны “2014 союзы– Җиңү варислары” Бөтенроссия яшьләр мәгариф һәрби–спорт оешмасы һәм кадет корпусы катнашучылары сәламләделәр.
Парадның кульминациясе булып, хәрби машиналар колоннасы составында камаз хәрби техника чыгышы булды. Хәрби көчне күрсәтүче барлык машиналар да чаллылар – “КАМАЗ” хезмәткәрләре көче белән җыелган.
“Ватан–ана” мемориаль комплексы янындагы мәйданда Җиңү Парадын 20 меңнән артык кеше карады.
Парадтан соң бәйрәм чаралары “Төзүче” стадионында дәвам ителде. Анда Сугыш ветераннарын солдат боткасы белән сыйладылар. Дүрт мең ярым кешегә җитәрлек тушенка белән кара бодай боткасын «Океан» һәм «Аш-Су» рестораннары поварлары пешерде. Гадәттәге 100 грамм урынына Чаллыда апельсиннар тараттылар.
Ветераннар белән бергә солдат боткасын Татарстан Республикасы Премьер–министр урынбасары– Татарстан Республикасы сәнәгать һәм сәүдә министры Равил Зарипов һәм шәһәр мэры Васил Шәйһрәзиев авыз иттеләр. Алар ветераннар белән аралаштылар, аларны Җиңү бәйрәме белән котладылар. Ветераннар үз чиратында сугыш еллары хатирәләре, шәһәрне һәм “КАМАЗ”ны төзү истәлекләре белән уртаклаштылар, республика һәм шәһәр җитәкчелегенә җиңүчеләргә күрсәтелә торган даими игътибарлары өчен зур рәхмәтләрен белдерделәр.