А217-1 проектының пассажирлар судносын суга төшерүгә багышланган тантаналы чара

2014 елның 8 маенда “А.М.Горький исем. Зеленодольск заводы” ААҖ А217-1 проектының судносын суга төшерүгә багышланган тантаналы чара узды. Чарада Архангельск өлкәсенең сәнәгать һәм төзелеш министры Андрей Шестаков, Горький исемендәге завод, “Ак Барс” ХК җитәкчеләре, Татарстан Республикасы Сәнәгать һәм сәүдә министрлыгы һәм Татарстан Республикасы Транспорт һәм юл хуҗалыгы министрлыгы, Зеленодольск муниципаль районы хакимияте вәкилләре катнашты.
Тантаналы чара Җиңүнең 69 еллыгын бәйрәм итүгә багышланды.
Әлеге теплоход – “Агат Дизайн Бюро” ҖЧҖ (Санкт-Петербург шәһәре) эшләгән проект буенча төзелгән суднолар сериясендә икенче. А217-1 проекты буенча теплоходлар төзү – Петербург бюросы конструкторлары белән хезмәттәшлек итүнең дәвамы. “Агат Дизайн Бюро” заводы проекты буенча А45 проектындагы тиз йөрешле теплоходлар (хәзерге вакытта аларның берсе Ленада, дүртесе Енисейда эшли) һәм А145 проекты буенча 2 судно төзелгән (Ямал–Ненец автономияле округында эшлиләр).
Авиация технологияләре һәм водометлар кулланылган А145 инновацион проектыннан аермалы буларак, А217-1 - винтлар белән эшли торган классик теплоход. Ләкин проектның үзенчәлекле – корпусы һәм винтлары бозлы көчәйтү белән эшләнгән. Теплоход 20 см калынлыктагы бозлы суда, 30 см калынлыктагы ватылган бозда йөри алачак. Бу - эчке су юлларында 176 пассажирны ташуга исәпләнгән пассажир судносы.
Теплоход 400 км кадәр ераклыкта 25 км/сәг тизлек белән йөри ала. Корпусның материалы– РСА һәм РСD сталь маркасы. Төзелеш өсте һәм рубкасы 1561 алюминий белән магний кушылмасыннан эшләнгән материал.
Теплоходның төп энергетик установкасы –Германиядә “DEUTZ AG” фирмасы җитештерелгән TCD 2015V08M маркалы минутына 1900 әйләнешле 410 кВт егәрлекле ике төп двигательдан тора.