Көн тәртибендә – хезмәт җитештерүчәнлеген үстерү

2014 елның 6 маенда Татарстан Республикасы Премьер–министр урынбасары – Татарстан Республикасы сәнәгать һәм сәүдә министры Равил Зарипов җитәкчелегендә “2013–2016 елларда Татарстан Республикасында машина төзелеше һәм нефть химиясе комплекслары предприятиеләрендә хезмәт җитештерүчәнлеген үстерү” максатчан программасын гамәлгә ашыру мәсьәләсенә багышланган киңәшмә узды.
Киңәшмәдә Татарстан Республикасы икътисад министры Мидхәт Шагиәхмәтов, Татарстан Республикасы предприятиеләре һәм эшмәкәрләр Ассоциациясе генераль директоры Алексей Пахомов, Татарстан Республикасы Сәнәгать һәм сәүдә һәм Татарстан Республикасы Икътисад министрлыклары вәкилләре, Татарстан Республикасы Министрлар Кабинеты каршындагы Энергия саклаучы технологияләр үзәге, Идел буе сыйфат үзәге җитәкчелеренең вәкилләре катнашты.
Татарстан Республикасы Премьер–министр урынбасары – Татарстан Республикасы сәнәгать һәм сәүдә министры Равил Зарипов ассызыклаганча, “бүгенге икътисадый шартларда хезмәт җитештерүчәнлеген һәм җитештерү ресурсларын куллану нәтиҗәлелелеген үстерү– Татарстан икътисады үсешенең төп факторы. Хезмәт җитештерүчәнлеген үстерү мәсьәләләре республика җитәкчелегенең игътибар үзәгендә тора”.
2013 елның декабрендә Татарстан Республикасы Президенты Рөстәм Миңнеханов катнашында республикада хезмәт җитештерүчәнлеген һәм икътисадның конкурентылылык сәләтен үстерү мәсьәләләренә багышланган Татарстан Республикасы Министрлар Кабинеты каршындагы Икътисадый Совет утырышы узды.
Хезмәт җитештерүчәнлеген үстерүнең актуаль мәсьәләләре шулай ук 2014 елның февралендә Татарстан Республикасы Сәнәгать һәм сәүдә министрлыгы һәм Татарстан Республикасы Икътисад министрлыгының уртак йомгаклау коллегиясендә каралды.
Татарстан Республикасында “2013–2016 елларда Татарстан Республикасында машина төзелеше һәм нефть химиясе комплекслары предприятиеләрендә хезмәт җитештерүчәнлеген үстерү” максатчан программасы гамәлгә ашырыла. “2013–2016 елларда Татарстан Республикасында машина төзелеше һәм нефть химиясе комплекслары предприятиеләрендә хезмәт җитештерүчәнлеген үстерү” максатчан программасын гамәлгә ашыру мероприятиеләре планы расланды. Программаның операторы – Татарстан Республикасы Министрлар Кабинеты каршындагы Энергия саклаучы технологияләр үзәге.
Татарстан Республикасы сәнәгать һәм сәүдә министры Равил Зарипов билгеләгәнчә, Министрлык тарафыннан ведомство асты зур предприятиеләрдә хезмәт җитештерүчелеген үстерү программасы буенча фирмалар эчендә мониторинг уздырылды. 2013 елда хезмәт җитештерүчәнлеген үстерүгә һәм продукциянең үзбәясен төшерүгә багышланган корпоратив программалары ведомство астындагы 25 предприятиедә расланды. Хезмәт җитештерүчәнлеген үстерү буенча методик киңәшмәләр эшләнде һәм комплекслы проектлар әзерләү өчен республика предприятиеләренә таратылды.
Хәзерге вакытта фирма эчендәге хезмәт җитештерүчәнлеген үстерү һәм операцион нәтиҗәлелеккә багышлынган чаралар программалары ведомство асты 45 предприятиедә расланды.
2013 елда пилот проектларны гамәлгә ашыру буенча 2 предприятие –“Карпов исем. химия заводы”ААҖ һәм “Алнас” ААҖ сайланды.
2014 елда хезмәт җитештерүчәнлеген үстерү буенча пилот проектларны гамәлгә ашыру буенча “КВАРТ” ЯАҖ һәм “А.М.Горький исем.Зеленодольск заводы” сайланды.
Киңәшмә барышында түбәндәге мәсьәләләр каралды:
• хезмәт җитештерүчәнлеген үстерү буенча максатчан программасы чараларын гамәлгә ашыру буенча уртак эшчәнлек юнәлешләре;
• хезмәт җитештерүчәнлеген үстерү буенча максатчан программаның системалы чаралар планы буенча тәкъдимнәр;
• республика сәнәгать предприятиеләрендә сертификация һәм стандартизация системаларын үстерү мәсәьләләре.