Татарстанда Россия Федерациясе Энергетика министрлыгының проекты старт ала

2014 елның 19 маеннан Татарстан Республикасы Сәнәгать һәм сәүдә министрлыгы, “Казан дәүләт энергетика университеты” ЮҺБ ФДБМУ һәм “Татарстан Республикасы Министрлар Кабинеты каршындагы Татарстан Республикасы энергия саклаучы технологияләр үзәге” ДАУ ярдәмендә республиканың энергияне саклау һәм энергия нәтиҗәлелеген үстерү өчен җаваплы булган бюджет өлкәсе оешмалары һәм учрежденияләре вәкилләре өчен “Энергия саклау һәм энергия нәтиҗәлелеген үстерү өлкәләрендәге дәүләт сәясәтен гамәлгә ашыруның практик мәсьәләләре” квалификацияне күтәрү программасы буенча укыту уздыра.
Укыту Россия Федерациясе Энергетика министрлыгының федераль башкарма хакимият органнары, Россия Федерациясе субъектларының башкарма хакимият органнары, җирле үзидарә органнарының, шулай ук оешмаларда һәм учрежденияләрдә энергияне саклау һәм энергия нәтиҗәлелеген үстерү өчен җаваплы хезмәткәрләренең квалификациясен күтәрү программасы кысаларында гамәлгә ашырыла.
Укытуның максаты – энергияне саклау һәм энергия нәтиҗәлелеген үстерү өлкәсендәге дәүләт сәясәтенең актуаль инициативалары турында тыңлаучыларга җиткерү, шулай ук әлеге тармактагы дәүләт сәясәте нигезендә бюджет өлкәсендәге җитәкчеләр һәм белгечләр алдында торган конкрет мәсьәләләрне чишү өчен профессиональ әзерлек.
Укыту “Казан дәүләт энергетика университеты” ЮҺБ ФДБМУ бинасында, Казан шәһәре, Красносельский урамы, 51 йорт адресы буенча узачак.
Укыту турында тулырак мәгълүматны түбәндәге мәгълүмат ресурсларыннан табарга була:
• http://energosberezhenie-dpo.ru – энергияне саклау һәм энергия нәтиҗәлелеген үстерү өчен җаваплы хезмәткәрләрнең квалификациясен күтәрү буенча дәүләт программасының мәгълүмати порталы;
• http://www.misis.ru/ - «МИСиС» милли тикшеренү технологик университеты сайты;
• http://minenergo.gov.ru/activity/energoeffektivnost/p - Россия Федерациясе Энергетика министрлыгы сайты;
• http://cet.tatarstan.ru/rus/energosberezhenie.htm - “Татарстан Республикасы Министрлар Кабинеты каршындагы Татарстан Республикасы энергия саклаучы технологияләр үзәге” ДАУ сайты.