Яз һәм хезмәт бәйрәме белән!

Татарстан Республикасы Премьер–министр урынбасары– Татарстан Республикасы сәнәгать һәм сәүдә министры Равил Зарипов тармак ветераннарын, Татарстан Республикасы сәнәгать һәм сәүдә предприятиеләре хезмәт коллективларын яз һәм хезмәт бәйрәме белән тәбрик итә.
“Хөрмәтле хезмәт ветераннары, Татарстан Республикасы сәнәгать һәм сәүдә предприятиеләре эшче коллективлары! Татарстан Республикасы Сәнәгать һәм сәүдә министрлыгы исеменнән Сезне чын йөрәктән яз һәм хезмәт бәйрәме белән тәбрик итәм. Яз һәм хезмәт бәйрәме – иминлек һәм тынычлык, эшчеләр бердәмлеге һәм теләктәшлек символы! Бу күркәм бәйрәм Ватаныбызга үзләренең тырышлыклары белән хезмәт итүчеләрне һәм милли мәнфәгатьләр яклаучыларны берләштерүче бәйрәм. Сезгә һәм якыннарыгызга хезмәтләрегездә уңышлар, тотрыклылык, бәхет, иминлек телим! ”