“Татарстан Республикасының иң яхшы товарлары һәм хезмәт күрсәтүләре” бәйгесен оештыручы комитетның утырышы

2014 елның 19 февралендә “Татарстан Республикасының иң яхшы товарлары һәм хезмәт күрсәтүләре” республика бәйгесен оештыручы комитетның эшче төркем утырышы узды. Әлеге утырышта 2013 елда булып узган унынчы-юбилей бәйгегь нәтиҗәләр ясалды һәм 2014 елга эш планы расланды. “Татарстан Республикасының иң яхшы товарлары һәм хезмәт күрсәтүләре” республика бәйгесен оештыручыларын һәм экспертларын бүләкләү тантанасы узды.
Әлеге бәйге Татарстан Республикасы Министрлар Кабинетының 2003 елның 26 декабрендәге 1969–р номерлы күрсәтмәсе нигезендә “Татарстан Республикасының иң яхшы товарлары ” бәйгесе “Россиянең 100 иң яхшы товарлары” Бөтенроссия бәйгесе кысаларында ел саен үткәрелә. 2012 елдан алып, Татарстан Республикасы Министрлар Кабинетының 2012 елның 2 маендагы 685-р номерлы күрсәтмәсе нигезендә бәйгенең исеме “Татарстан Республикасының иң яхшы товарлары һәм хезмәт күрсәтүләре”нә алмашынды.
Бәйгенең төп бурычларның берсе – югары сыйфатлы товарларны һәм хезмәт күрсәтүне ачыклау, Татарстанның югары сыйфатлы продукция җитештерүчеләрнең югары репутацияләрен булдыру, кече һәм урта эшмәкәрлек предприятиеләренең эшчәнлегенә стимул бирү һәм җитештерә торган продукциянең сыйфатын һәм конкурентлылык сәләтен арттыру, товарларны эчке базарда гына түгел, тышкы базарда да алга сөрү өчен ярдәм итү.
“Татарстан Республикасының иң яхшы товарлары һәм хезмәт күрсәтүләре” бәйгесе нәтиҗәләре буенча Татарстан Республикасы күп еллар дәвамында Россиядә регион–лидер булып тора. 2011–2012 еллар нәтиҗәләре буенча Татарстан Республикасы “Россиянең 100 иң яхшы товарлары” Программасының Платина дипломын яулаган бердән–бер регион.
Бәйгедә катнашучыларның географиясе ел саен киңәя. Кече һәм урта эшмәкәрлек предприятиеләре әлеге бәйгегә бик зур кызыксыну белән карый. 2012–2013 елда аларның саны барлык катнашучыларның 40% тәшкил итте.
2013 елда булып узган унынчы “Татарстан Республикасының иң яхшы товарлары һәм хезмәт күрсәтүләре” республика бәйгесенә бөтен республикадан төрле дәүләт һәм шәһси предприятиеләрнең вәкилләре килде. Иң яхшы товар исемен яулар өчен, икътисадның төрле тармакларының 234 предприятиесе 439 төрле продукциясен һәм хезмәтен бәйгегә тәкъдим иткән иде.
2013 елда булып узган “Татарстан Республикасының иң яхшы товарлары һәм хезмәт күрсәтүләре” бәйгесе нәтиҗәләрендә лауреат исемлеген 181 продукция һәм хезмәт күрсәтү исемлеге яулады, I дәрәҗәле дипломантлар – 181(2012 елда – 131), II дәрәҗәле дипломанталар – 60 (2012 елда – 86).
Әлеге бәйге беренче тапкыр 2004 елда игълан ителә. Шул вакыттан алып, әлеге республика бәйгесендә республика җитештерүчеләре 4000 артык продукция һәм хезмәт күрсәтү исемлеге катнашты.
168 товар һәм хезмәт күрсәтү республика бәйгесендә җиңеп, федераль бәйгедә катнаштылар. Нәтиҗәдә, “Россиянең иң яхшы 100 товары” Бөтенроссия бәйгесендә Татарстанның 54 товар һәм хезмәт күрсәтү лауреат исемен (2012 елда – 51), ә 114 дипломант исемен яуладылар(2012 елда –105).
Күп еллар дәвамында “Татарстан Республикасының иң яхшы товарлары һәм хезмәт күрсәтүләре” республика бәйгесе Татарстан җитештерүчеләре өчен республика, Россия һәм чит илләр базарларына үзләренең югары сыйфатлы продукциясен чыгару өчен ышанычлы ярдәмчесе булып тора. “Татарстан Республикасының иң яхшы товары” знагы товарларның һәм хезмәт күрсәтүнең югары сыйфатын гарантияли.