Чаллыда тармак киңәшмәсе узды

2014 елның 12 февралендә Татарстан Республикасы Премьер-министр урынбасары– Татарстан Республикасы сәнәгать һәм сәүдә министры Равил Зарипов Чаллы мэриясендә булып узган “Сәнәгать предприятиеләре, эшмәкәрлек, куллану базары һәм хезмәт күрсәтү буенча 2013 ел нәтиҗәләре һәм 2014 елга бурычлар” тармак киңәшмәсендә катнашты.
Киңәшмәдә Чаллы шәһәре мэры Васил Шәйхрәзиев, республика министрлыклары һәм ведомстволар җитәкчеләре, Татарстан Республикасы Дәүләт Советы депутатлары, Чаллы шәһәренең муниципаль берәмлекләр шәһәр Советы депутатлары, Чаллы шәһәренең Башкарма комитеты хезмәткәрләре, Чаллы шәһәренең сәнәгать һәм сәүдә предприятиеләре, кече һәм урта эшмәкәрлек җитәкчеләре катнашты.
Татарстан Республикасы Премьер-министр урынбасары– Татарстан Республикасы сәнәгать һәм сәүдә министры Равил Зарипов киңәшмәдә катнашучыларга сәламләү сүзе белән мөрәҗәгать итте. Равил Зарипов Татарстан Республикасы һәм Чаллы шәһәре сәнәгатенең үсеш нәтиҗәләрен билгеләгәндә, республиканың тулаем төбәк продуктының күләме – 2%ка артып, 1 трлн. 520 млрд. сум, сәнәгать җитештерү индексы – 101,2% тәшкил итүе турында җиткерде. Республиканың тулаем төбәк продуктындагы Чаллы шәһәренең өлеше – 12,6 %.
Министр әйтүенчә, “бүгенге көндә хезмәт җитештерүчәнлеген үстерү мәсьәләсе – иң актуаль мәсьәләләрнең берсе. Республикада да, Чаллыда да бу тармакта эшли торган мәсьәләләр җитәрлек”.
2013 елда республиканың машина төзелеше предприятиеләре 360 млрд. сумлык продукция җитештергән. Шул ук вакытта Чаллы машина төзелеше предприятиеләре тарафыннан продукциянең 40% (республиканың тулаем машина төзелеше продукциясе күләменнән алганда) 142 млрд.сум тәшкил итә. Чаллы шәһәре сәнәгать продукциясенең тулаем күләменең төп өлеше 51% «КАМАЗ» ААҖ туры килә.
“Республиканың сәнәгатә үсешен без масштаблы инвестицион проектлар, беренче чиратта, 2020 елгы үсеше кысаларында Кама икътисад кластеры белән бәйлибез. Эре проектлар арасында – “КАМАЗ”, “Форд соллерс”, “КИП–мастер” индустариаль паркын, “Алабуга” махсус икътисад зонасын үстерү”, дип билгеләде Татарстан Республикасы Премьер-министр урынбасары– Татарстан Республикасы сәнәгать һәм сәүдә министры Равил Зарипов.
Министр җиткерүенчә, агымдагы елда сәнәгать өчен урта профессиональ белгечлек кадрларын әзерләү өлкәсе өчен 5 ресурс тармак үзәген, шул исәптән, Кама автомеханик техникумы нигезендә “КАМАЗ” катнашында автомобильләр һәм машина төзелеше сәнәгате өчен ресурс үзәге булдыру планлаштырылган. Равил Зарипов кадрлар әзерләү юнәлешендә сәнәгать предприятиеләренең һәм Чаллыдагы КФУ һәм КАИ филиалларының үзара уңай хезмәттәшлеген билгеләде.
Равил Зарипов сүзләренчә, ”бүгенге көндә хезмәт кешесенә, хезмәт кешесенең данын күтәрүгә, эшче һәм инженерлык һөнәрләрен популярлаштыруга игътибар итәргә кирәк”.
Министр идарә итү технологияләрен кертү мәсьәләсендә, Чаллы шәһәре предприятиеләренең уңай тәҗрибәсен билгеләде. «КАМАЗ» – Лин-технологияләр и ERP-системаларын иң беренче кулланучысы. Системалы эшчәнлек нәтиҗәсендә һәм предприятиеләрнең директорлар корпусы ярдәмендә “Чаллы– тотрыклы үсеш шәһәре” проекты шәһәр җитәкчелеге инициативасы белән эшләнеп кабул ителде. Әлеге проект Татарстан Республикасы җитәкчелеге тарафыннан да хупланды.
“2014 елга сәнәгать предприятиеләренең, эшмәкәрлекнең, куллану базарының һәм хезмәт күрсәтүнең төп бурычлары һәм үсеш юнәлешләре турында” доклады белән Чаллы шәһәренең Башкарма комитеты җитәкчесе урынбасары, эшмәкәрлеккә ярдәм күрсәтү һәм икътисад үсеше идарә начальнигы Наталия Кропотова чыгыш ясады. Кадрлар сәясәте һәм машина төзелеше кластерының үсеш перспективалары турында «Форд Соллерс Холдинг» ҖЧҖ директоры Виктор Зорников сөйләде. Регионның икътисадында кече һәм урта эшмәкәрлекнең роле турында Татарстан Республикасы Дәүләт Советы депутаты, «Эссен Продакшн АГ» ЯАҖ генераль директоры Леонид Барышев чыгыш ясады.
Чаллы шәһәре мэры Васил Шәйхрәзиев катнашучыларга йомгаклау сүзе белән мөрәҗәгать итте.
Совещание барышында республика һәм шәһәр бүләкләре тапшырылды.