Татарстан Республикасы Икътисад һәм Сәнәгать һәм сәүдә министрлыкларының уртак коллегия утырышы

2014 елның 5 февралендә Татарстан Республикасы Президенты Рөстәм Миңнеханов һәм Татарстан Республикасы Премьер–министры Илдар Халиков катнашында Татарстан Республикасының Икътисад һәм Сәнәгать һәм сәүдә министрлыкларының уртак йомгаклау коллегиясе узды.
Татарстан Президенты Рөстәм Миңнеханов утырышны ачып, икътисади үсеш мәсьәләсендә 2013 елның катлаулы булуын ассызыклап узды. Аның сүзләренә караганда, алдагы ел белән чагыштырганда, ел саен 5-6 процентлык үсешкә ирешелмәсә, алга таба бик авыр булачак. Тулаем төбәк продуктының күләме – 2%ка артып, 1 трлн. 520 млрд. сум, сәнәгать җитештерү индексы – 101,2% тәшкил итте. Бу күрсәткеч 2012 елда 107,1% иде. Президент басым ясаганча, икътисадта перспективалы проектларны гамәлгә ашыру өчен, эчке резевларны анализлау, җитештерүне модернизацияләү, югары квалификацияле кадрлар әзерләү системасын булдыру мөһим.
2013 елда Татарстан Республикасының сәнәгатьнең һәм куллану базарының үсеш нәтиҗәләре, сәнәгатьнең инновацион үсешкә күчүе турындагы доклад белән Татарстан Республикасы премьер–министр урынбасары, Татарстан Республикасы сәнәгать һәм сәүдә министры Равил Зарипов чыгыш ясады. Равил Зарипов ассызыклаганча, “конкуренциягә сәләтле булыр өчен, җитештерелгән продукциянең сыйфатына игътибар итү, инновацион продуктларның күләмен арттыру, югары җитештерүле эш урыннары булдыру, киләчәк чыгымнарны оптимизацияләү мөһим”. Министр әйтүенчә, тулаем төбәк продуктының күләме – 2%ка артып, 1 трлн. 520 млрд. сум, сәнәгать җитештерү индексы – 101,2% тәшкил итте.
Сәнәгать җитештерүе индексының түбәнүе җитештерү предприятиеләрнең финанс нәтиҗәләренә тәэсир итә. Сәнәгатьтә урта хезмәт хакы 28 мең сум, үсеше –109% тәшкил итә. Хезмәт җитештерүчәнлеге 1 млн. 757 мең сум булды, үсеше – 104%. Шулай итеп, хезмәт хакы үсеше белән хезмәт җитештерүчәнлеге арасында берникадәр диспропорция күзәтелә.
Татарстан Республикасы Сәнәгать һәм сәүдә министрлыгы җитәкчесе ассызыклаганча, “барлыкка килгән ситуация алдагы перспективада сәнәгатьнең конкурентлылык сәләтен арттыруда яңа карарлар һәм карашлар таләп итә”.
Равил Зарипов куллану базарындагы сәнәгатьнең төп йомгаклау күрсәткечләрен дә билгеләде. Шул исәптән, 2013 елда нефть, газ, химия комплексында продукцияне төяп җибәргән күләме 896 млрд.сум, сәнәгать җитештерүе индексының 101,7% тәшкил итте. 2013 елда нефть, газ, химия комплексында хезмәт җитештерүчәнлеге бер эшли торган кешегә 4 млн. 221 мең сум, үсеше – 100,4% тәшкил итте. Узган елда 9 ай эчендә әлеге комплекс предприятиеләре төп капиталларына (кече эшмәкәрлекне исәпкә алып), инвестицияләр күләме 98 млрд. сум, үсеше – 120%.тәшкил итте. 2013 елда нефть, газ, химия комплексында инновацион продукциянең күләме 217 млрд. сум иде.
Узган елны чит ил инвестицияләрнең республика икътисадына кертелгән күләме 894 млн. доллар тәшкил итте. Чит ил инвестицияләр бигрәк тә Төркиядән, Алманиядән һәм Америка Кушма Штатларыннан кертелде.
Татарстан Республикасы премьер–министр урынбасары, Татарстан Республикасы сәнәгать һәм сәүдә министры Равил Зарипов сәнәгать предприятиеләре белән берлектә быел һәм перспективада башкарыла торган төп максатларны билгеләде һәм сәнәгать продукциясенең конкурентлылык сәләтен үстерүдә муниципаль район башлыклары һәм директорлар корпусы белән уртак эшчәнлекне көчәйтү мәсьәләсенә игътибар бирде (регионара һәм халыкара хезмәттәшлекнең перспективалы юнәлешләре, кадрлар әзерләү, энергияне сакчыл куллану программаларын тормышка ашыру, продукциянең сыйфатын арттыру, Лин-технологияләр кертү).
Татарстан Республикасы премьер–министр урынбасары, Татарстан Республикасы сәнәгать һәм сәүдә министры Равил Зарипов чыгышының тезислары белән министрлык сайтында http://mpt.tatarstan.ru/rus/rukov/minister/reports.htm танышырга була.
Татарстанның 2013 елгы социаль–икътисади үсеше турында Татарстан Республикасы Икътисад министры Мидхәт Шагиәхмәтов җиткерде.