Попечительлек Советы утырышында сәләтле балалар өчен тирәнтен химия өйрәнүче лицей–интернатының үсеш мәсьәләләре каралды

Татарстан Республикасы Премьер–министр урынбасары – Татарстан Республикасы сәнәгать һәм сәүдә министры Равил Зарипов рәислегендә академик П.А.Кирпичников исемендәге сәләтле балалар өчен тирәнтен химия өйрәнүче республиканың беренче лицей–интернатының Попечительлек Советының беренче утырышы узды. Утырышта Татарстан Республикасы сәнәгать һәм сәүдә министры урынбасарлары Гөлнара Әхмәдиева һәм Хәмзә Баһманов, Зеленодольск муниципаль районның администрация башлыгы Александ Тыгин, Казан Милли тикшеренү технология университеты- КХТИ җитәкчелеге, Татарстан Республикасының нефть, газ, химия комплексы җитәкчеләре катнашты.
Утырышны ачып, лицейның Попечительлек Советы рәисе, Татарстан Республикасы Премьер–министр урынбасары – Татарстан Республикасы сәнәгать һәм сәүдә министры Равил Зарипов “хәзерге заманда балаларның вузга кадәрге әзерлек мәсьәләсе бик актуаль. Россиядә сәләтле балалар бик күп. Сәләтле мәктәп балаларын сайлап алу, урта белем бирү программасы кысаларында укыту – вузда укыту кебек үк мөһим. Бу – югары квалификацияле инженер белгечләрен әзерләүдә зур роль уйный”.
Академик П.А.Кирпичников исемендәге сәләтле балалар өчен тирәнтен химия өйрәнүче республиканың беренче лицей–интернаты республиканың химия, нефть химиясе предприятиеләре өчен кадрлар потенциалы әзерләүдә беренче баскыч булып тора. Татарстанда да, Россиядә дә бу лицей–интернатның аналогы юк. Бу гомүмбелем бирү учреждениесе Татарстан Республикасы Президенты Рөстәм Миңнехановның 2012 елның октябрендә Татарстан Республикасы икътисады үсеше перспективаларын исәпкә алып, кадрлар әзерләү мәсьәләләре буенча республика киңәшмәсендә биргән йөкләмәсе буенча ачылды.
Лицей 2013 елның 1 сентябрендә ачылды. Хәзерге вакытта лицей –интернатның 7–10 сыйныфларында 112 укучы укый. Алар Татарстан Республикасының белем бирү учрежденияләреннән химия–биология һәм физика– химия профильлләре буенча бәйге үткәрү нәтиҗәсендә сайлап алындылар.
Сыйныфларда 14тәр укучы укый, һәр параллель сыйныфта инвалид балалар өчен 4 уку урыны каралган. Лицей заманча материаль–техник базасы белән тәэмин ителгән: бинаның мәйданы 8 мең кв.метр тәшкил итә, укучыларның класслары югары дәрәҗәдә җиһазландырылган, спорт комплексы да эшләп килә (спорт залы, стадион, йөзү бассейны).
Равил Зарипов Попечительлек Советына мөрәҗәгать итеп, “лицейның уңышлы эшчәнлеген тәэмин итәр өчен, финанс, мәгълүмати һәм башка күпьяклы ярдәм күрсәтергә кирәк”, дип ассызыклады. Химик профилле лицейның сәнәгать предприятиеләре белән үзара багланышлары лицейның уку процессларын оештыру мәсьәләсендә дә, сәнәгать предприятиеләренә белгечләр тарту эшендә дә әһәмиятле булачак.
Лицейның максатлары һәм үсеш перспективалары турында лицейның директоры Лилия Ибрашева хәбәр итте. Шулай ук, лицей базасында химия технологияләре өлкәсендә балаларның техник иҗаты Үзәген булдыру планнары турында сөйләде.
Татарстан Республикасы Зеленодольск шәһәре администрация башлыгы Александр Тыгин сәләтле балалар өчен лицей –интернатка ярдәм итү Фонды төзү турында хәбәр итте.
Попечительлек Советы эшчәнлегенең планнары һәм попечительләрне лицей эшчәнлегенең төрле юнәлешләренә беркетелүләре турында Казан Милли тикшеренү технология университеты ректоры, Попечительлек Советы рәисенең урынбасары Герман Дьяконов җиткерде.
Үткәрелгән киңәшмә нәтиҗәсендә, катнашучылар Попечительлек Советы Протоколын кабул иттеләр һәм төп чараларның планын расладылар.