Республика бәйгеләре җиңүчеләренә һәм лауреатларына бүләкләр тапшырылды

2014 елның 24 гыйнварында Татарстан Республикасы Министрлар Кабинетында сыйфат өчен Татарстан Республикасы Хөкүмәте премияләренә республика конкурсы һәм массакүләм мәгълүмат чараларында басылып чыккан иң яхшы басма “Эшче һәм инженер һөнәрләре абруе” республика конкурсы җиңүчеләрен һәм лауреатларын бүләкләү тантанасы узды.
Бүләкләү тантанасында Татарстан Республикасы Премьер-министры Илдар Халиков, Татарстан Республикасы Премьер-министры урынбасары – сәнәгать һәм сәүдә министры Равил Зарипов, министрлык һәм ведомство, предприятие һәм оешма җитәкчеләре, республиканың массакүләм мәгълүмат чаралары вәкилләре катнашты.
1. Сыйфат өчен Татарстан Республикасы Хөкүмәте премияләренә республика конкурсы.
Сыйфат өчен Татарстан Республикасы Хөкүмәте премияләренә республика конкурсына 2003 елда нигез салынган. Конкурсны уздыру дәвамында анда якынча 700 предприятие һәм оешма катнашкан.
Татарстан Республикасы Премьер-министры Илдар Халиков җиңүчеләргә һәм лауреатларга призлар һәм дипломнар тапшырды.
2013 елда уздырылган конкурсның нәтиҗәләре буенча, сыйфат өчен, продукциянең һәм хезмәт күрсәтү өлкәсендәге сыйфаты өчен олы күрсәткечләргә ирешүләре өчен Татарстан Республикасы Хөкүмәте премияләрен бирү Советының карары нигезендә, шулай ук сыйфат белән югары эффектив идарә итү методларын кертү өчен Лауреат исеме түбәндәге оешма һәм предприятиеләргә бирелде. Лауреатларга призлар һәм дипломнар тапшырылды.
• җитештерүгә билгеләнешле продукцияне эшләп чыгару һәм халык кулланышы продукциясен җитештерү өлкәсендәге эшчеләр саны 250 артык булган предприятиеләр һәм оешмалар категориясендә: “А.М.Горький исемендәге Яшел Үзән заводы” ААҖ (Яшел Үзән шәһәре), “Пакер” фирмасы” ҖЧҖ (Октябрьск шәһәре, Башкортостан);
• хезмәт күрсәтү өлкәсендә эшли торган эшчеләр саны 250 артык булган предприятиеләр һәм оешмалар категориясендә: “Татнефть – АЗС үзәге” ҖЧҖ (Әлмәт шәһәре), “Чалныводоканал” ЯАҖ (Яр Чаллы шәһәре), “Төбәкара клиник-диагностика үзәге” дәүләт автоном предприятиесе (Казан шәһәре);
• җитештерүгә билгеләнешле продукцияне эшләп чыгару һәм халык кулланышы продукциясен җитештерү өлкәсендәге эшчеләр саны 250 ким булган предприятиеләр һәм оешмалар категориясендә: “Тиссан” ҖЧҖ (Чаллы шәһәре);
• хезмәт күрсәтү өлкәсендә эшли торган эшчеләр саны 250 ким булган предприятиеләр һәм оешмалар категориясендә: Бөгелмә машина төзелеше техникумы (Бөгелмә шәһәре), Казан шәһәренең “Торак-коммуналь хуҗалыгын һәм тышкы уңайлыклар булдыруны тәртиптә тоту буенча шәһәр программаларын тормышка ашыруны техник күзәтү хезмәте” МУП.
“Цветлит” ЯАҖ, “Нижнекамскшина” ААҖ, “КАМАЗ” ААҖ тимерчелек заводы, “Челны-Бройлер” ҖЧҖ, Татарстан Республикасы Сәламәтлек саклау министрлыгының 4 нче номерлы шәһәр хастаханәсе, Республика балалар клиник хастаханәсе, 16 нчы номерлы шәһәр клиник хастаханәсе, “Татнефть-РемСервис” ҖЧҖ, “Бакирово” санаторие, Алабуга политехник көллияте, 41 нче номерлы һөнәри көллият (Казан) кебек оешмалар - конкурсның дипломантлары арасында.
Моннан тыш, сыйфат өлкәсендә уңышларга ирешкән өчен, кайбер предприятиеләр һәм оешмалар Советның грамоталары белән бүләкләнде.
Татарстан Республикасы Премьер-министры урынбасары – сәнәгать һәм сәүдә министры Равил Зарипов билгеләп үткәнчә, “сыйфат өчен Татарстан Республикасы Хөкүмәте премияләренә республика конкурсын без продукциянең һәм хезмәт күрсәтүнең сыйфатын арттыру инструменты буларак билгелибез. Әлеге конкурс заман технологияләренең оста инвестицион сәясәте белән берлектә заман базары шартларында республика товарлар җитештерүчеләрнең конкурентлылыгын тәэмин итәчәк”.
2. Массакүләм мәгълүмат чараларында басылып чыккан иң яхшы басма “Эшче һәм инженер һөнәрләре абруе” республика конкурсы.
2013 елда “Казан вертолет заводы” ААҖ Татарстан Республикасы Сәнәгать һәм сәүлә министрлыгы ярдәмендә массакүләм мәгълүмат чараларында басылып чыккан иң яхшы басма “Эшче һәм инженер һөнәрләре абруе” республика конкурсын оештырды.Татарстан Республикасы Сәнәгать һәм сәүдә министры Равил Зарипов ассызыклаганча, “хезмәт кешесен пропагандалау, эшче һәм инженерлык һөнәрләренең абруен арттыруда массакүләм мәгълүмат чараларның роле зур. Республика бәйгесенең максаты – укучыларда эшче һәм инженер һөнәрләренең уңай имиджын тудыру юнәлешендә эшли торган журналисларны бүләкләү”.
Массакүләм мәгълүмат чараларында басылып чыккан иң яхшы басма “Эшче һәм инженер һөнәрләре абруе” республика конкурсында җиңүчеләренә акчалата премия, дипломнар һәм истәлек тамгаларын Татарстан Республикасы Сәнәгать һәм сәүдә министры Равил Зарипов, “Казан вертолет заводы” ААҖ генераль директоры, “Вертолеты России” ААҖ генераль директоры урынбасары Вадим Лигай тапшырды.
Гран–при (100 000 сум акчалата премия) укучыларда эшче һәм инженер һөнәрләренең уңай имиджын тудыруда язган басмалары өчен “Республика Татарстан” газетасы журналисты Ирина Деминага тапшырылды.