Татарстан Республикасы белән Алтай крае арасында регионара хезмәттәшлек итү үсә

2013 елның 19 декабрендә Премьер-министр урынбасары- Татарстан Республикасы сәнәгать һәм сәүдә министры Равил Зарипов Татарстан Республикасына визит белән килгән Алтай крае делегациясе белән очрашты.
Очрашу кысаларында Татарстан Республикасының һәм Алтай краеның сәнәгать һәм инвестицион потенциалы презентациясе узды, регионара хезмәттәшлек итү, шул исәптән, сәүдә- икътисад элемтәләрен үстерү мәсьәләләре каралды.
Очрашуда Татарстан Республикасы ягыннан - Татарстан Республикасының сәнәгать һәм сәүдә министры урынбасары Рашат Фәттахов, республиканың машна төзелеше, энергетика комплексы, химия сәнәгате предприятиеләре вәкилләре, Татарстан Республикасы сәнәгать һәм сәүдә министрылыгының структур бүлекчәләре җитәкчеләре, ә Алтай крае ягыннан – Алтай краеның халыкара һәм регионара багланышларын булдыру буенча Идарә җитәкчесе Александр Жилин, Алтай крае Алтай районы Администрация башлыгының беренче урынбасары Геннадий Попов, Алтай краеның структур бүлекчәләре һәм идарәләре җитәкчеләре, Алтайның төрле сәнәгать тармаклары предприятиеләре җитәкчеләре, Алтай краеның региональ милли –мәдәни автономиясе җитәкчелеге катнашты.
Премьер-министр урынбасары- Татарстан Республикасы сәнәгать һәм сәүдә министры Равил Зарипов әйтүенчә, “регионара элемтәләрне үстерү буенча килешү базасы булып, Татарстан Республикасы белән Алтай краеның сәүдә - икътисад, фәнни - техник һәм социаль - мәдәни хезмәттәшлек итү турындагы Килешү һәм Татарстан Республикасы белән Алтай краеның сәүдә-икътисад, фәнни-техник һәм социаль - мәдәни хезмәттәшлек итү турындагы Килешүне гамәлгә ашыру буенча Протокол тора” (2012 елның 17 июненьнән).
2012 елның июненьдә Татарстан Республикасы Президенты Рөстәм Миңнехановның Алтай краена эшче визиты булды, визит кысаларында хезмәттәшлек итү турында регионара Килешү имзаланды. 2012 елның сентябрендә Татарстан Республикасының Дәүләт Киңәшчесе М.Ш.Шәймиев Алтай краенда III Болгар форумында катнашты.
Равил Зарипов сүзләренә караганда, “Алтай крае Татарстанның ышанычлы сәүдә-икътисади партнеры. 2012 елда Татарстан Республикасы белән Алтай крае арасында регионара товар әйләнеше күләме 2,5 мрд. сум, сум исәптән – чыгару – 2,1 млрд. сум, кертү – 0,4 млрд.сум тәшкил итте. Алтай крае предприятиеләре Татарстанның «Татнефть» ААҖ, «КАМАЗ» ААҖ, «Казаньоргсинтез» ААҖ, «Казан синтетик каучук заводы» ААҖ, «Ак Барс» ХК» ААҖ, «ЕлАЗ» сәнәгать берләшмәсе», «Әлмәт труба заводы» ААҖ, «Вакууммаш» ААҖ, «Татнефть - Нефтехим» ААҖ, «КОМЗ» ААҖ, «Электроприбор» Казан заводы» ААҖ, «Карпов исем. химия заводы» ААҖ, «КМИЗ» ААҖ, «ОФ «Спартак» ААҖ, «АЧНФ «Алсу» ААҖ, «Агротехмашстройсервис» ЯАҖ, «Казан дәүләт казна дары заводы» ФКП, «Кукмара металл савыт-саба заводы» ААҖ белән хезмәттәшлек итә.
Татарстан Республикасы сәнәгать һәм сәүдә министры җитәкчесе Татарстанның инвестицион һәм сәнәгать потенциалы презентациясен үткәрде, Татарстан Республикасында индустриаль мәйданчыкларының эшчәнлеген билгеләде, ике яклы хезмәттәшлекнең үсеш перспективаларының юнәлешләрен билгеләп үтте. Хезмәттәшлекнең перспективалы юнәлешләре буларак, Равил Зарипов республикада җитештерелгән машина төзелеше продукцияләрен, химия һәм нефтехимия продукциясе, шул исәптән, автошиналар, автогерметиклар, көнкүреш химиясе товарлары, электр һәм җылылык энергетикасы җиһазлары һәм башкаларын Алтай краена җибәрүне киңәйтүне, Татарстан Республикасы белән Алтай краеның кече һәм урта эшмәкәрлек предприятиеләренең хезмәттәшлек итүне һәм туризм өлкәсендә кооперация элемтәләрен үстерүне атады.
Алтай краеның халыкара һәм регионара багланышларын булдыру буенча Идарә җитәкчесе Александр Жилин ассызыклавынча, “Татарстан – Россиянең регион - лидерларның берсе. Татарстан Республикасы Алтай краеның стратегик партнеры. Регионның хуҗалык субъектлары Татарстан компанияләре һәм предприятиеләре белән сәүдә-икътисад элемтәләрен ныгытуда кызыксыналар".
Перспективалы юнәлешләр буларак, Идарә җитәкчесе Татарстан Республикасына “”Бийск олеум заводы” продукциясен, азык-төлек һәм умартачылык продукциясен кертү, шулай ук Алтай краеның экологик чиста булган Алтай районында төрлекчелек белән шөгыльләнүче, халәль продукциясен эшкәртү буенча предприятие булдыру мөмкинлеген атады.
Татарстан Республикасына визит кысаларында Алтай крае делегациясе Агросәнәгать паркын, ИТ–паркын карады, индустриаль мәйданчыклар эшчәнлеге тәҗрибәсе һәм Татарстанның инновацион үсеше белән танышты. Шулай ук очрашу Татарстан Республикасы авыл хуҗалыгы һәм азык - төлек министрлыгында узды.