«Нижнекамскнефтехим» ААЖ коллективы – “Эшче яшьләр иҗаты” Республика телевизион фестиваленең жиңүчесе

2013 елның 14 декабрендә “Пирамида” мәдәният-күңел ачу комплексында “Эшче яшьләр иҗаты” Республика телевизион фестиваленең гала–концерты узды. Фестиваль Татарстан Республикасы Президенты ярдәме белән быел беренче тапкыр үткәрелде. Фестивальнең зона этаплары Татарстан Республикасының Түбән Кама, Әлмәт, Зеленодольск шәһәрләрендә 14 ноябрьдән 1 декабрьгә кадәр уздырылды. Иң көчле командалар 10–12 декабрьдә Казанда үткәрелгән суперфиналда очрашты.
“Эшче яшьләр иҗаты” Республика телевизион фестивалендә республиканың төрле тармактагы предприятиеләренең 40 команда составында 18 –35 яшьтәге 400 якын белгеч чыгыш ясады («Камаз», «Нижнекамскнефтехим», «ПОЗиС», «Алабуга автомобиль заводы», «.С.П.Горбунов исем. КАПО», «Казан вертолет заводы» һәм башкалар).
Гала–концертта һәр коллектив үзенең осталыгын – җырлар, биюләр, сәхнәләштерелгән чыгышлар күрсәтте. Аерым зур урын милли иҗатка – татар халкы белән рус халкы иҗатына гына түгел, башка халыклар иҗатына да багышланган иде.
Зеленодольск шәһәренең фанера заводы командасының чыгышы бигрәк тә истә калды. Алар үзләренең заводы белән шаяннар һәм тапкырлар клубы форматында таныштырдылар. Тамашачылар фанерадан тегә торган дизайнер һәм спортсмен–уйлап табучы турында белделәр.
Чыгыш ясый торган һәр команданы тамашачылар алкышлар белән бик җылы каршы алдылар. Чыннан да, эшче яшьләрнең чыгышлары профессиональ дәрәҗәле артистлар чыгышларыннан бер дә ким булмады, бәлки, шуның өчен номинацияләрдә призлы урыннарны берничә команда берьюлы яулады.
Концерт барышында «Вокал» (соло һәм ансамбль башкаруында), “Ансамбль биюе”, “Дан минуты” (талантлар демонстрациясе), “Визитка презентациясе” номинацияләр лауреатларын бүләкләве узды.
Барлык конкурслар нәтиҗәсендә гомүмкоманда зачетында җиңүчеләрне Татарстан Республикасы Халык артисты, фестивальнең жюри рәисе Резеда Галимова һәм Татарстан Республикасы атказанган сәнгать эшлеклесе, фестивальнең генераль продюссеры, жюри рәистәше Дмитрий Туманов бүләкләделәр. “Серго исем.завод” җитештерү берләшмәсе (Зеленодольск) коллективы һәм А.М.Булатов исем.күппрофилле лицей (Кукмара) өченче урынны үзара бүлештеләр. Аларга дипломнар һәм 20 меңлек сертификатлар тапшырылды.
Икенче урынны берьюлы өч коллектив – “Горбунов исем.Казан авиация җитештерү берләшмәсе”, “Әлмәт трубалар заводы”, “Татнефть-Нефтехим” идарә компаниясе яулады. Аларга дипломнар һәм 25 меңлек сертификатлар тапшырылды.
Беренче урынны «Сетевой компании» (Казан) һәм “«Зәй ГРЭСы» генерирующая компания” яуладылар. Аларга дипломнар, кубкалар һәм 30 меңлек сертификатлар тапшырылды.
Татарстан Республикасы Премьер-министры урынбасары - Татарстан Республикасы сәнәгать һәм сәүдә министры Равил Зарипов фестивальдә Гран-при яулаган җиңүчегә Татарстан Республикасы Президентының күчмә Кубыгын,100 мең сумлык сертификат һәм Зур Ау йолдызлыгындагы бер йолдызга «Нижнекамскнефтехим» ААҖ исеме бирелүе турындагы таныклык тапшырды.
Әлеге чара турында мәгълүмат һәм фоторепортажлар белән "Татаринформ" МА сайтында http://www.tatar-inform.ru/news/2013/12/14/387012/ танышырга була.
Фоторепортаж “Элита Татарстана” журналы сайтында урнаштырылган.
Белешмә:
Фестивальне оештыруда Татарстан Республикасы Сәүдә һәм сәнәгать министрлыгы, ТР Яшьләр эшләре, спорт һәм туризм министрлыгы, ТР Мәгариф һәм фән министрлыгы, ТР Мәдәният министрлыгы, ТР муниципаль берәмлекләр Советы, ТР профсоюзлар федерациясе, ТР “Татмедиа” массакүләм коммуникация һәм матбугат агентлыгы, “ТР предприятиеләр һәм эшмәкәрләр ассоциациясе”, “Татарстан –яңа гасыр” телерадиокомпаниясе дә катнашты.