Казан Ратушасында “Татарстан Республикасының иң яхшы товарлары һәм хезмәт күрсәтүләре” республика бәйгесендә җиңүчеләрне тантаналы бүләкләү чарасы узачак

2013 елның 27 ноябрендә Татарстан Республикасы Сәнәгать һәм сәүдә министрлыгы “Татарстан Республикасында стандартлашу, метрология һәм сынау дәүләт региональ үзәге”, “Татмедиа” массакүләм коммуникацияләр агентлыгы белән берлектә Казан Ратушасында “Татарстан Республикасының иң яхшы товарлары һәм хезмәт күрсәтүләре” республика бәйгесендә һәм “Россиянең 100 иң яхшы товарлары” Бөтенроссия бәйгесендә җиңүчеләрне тантаналы бүләкләү чарасы уздыралар.
“Татарстан Республикасының иң яхшы товарлары һәм хезмәт күрсәтүләре” республика бәйгесендә һәм “Россиянең 100 иң яхшы товарлары” Бөтенроссия бәйгесендә җиңүчеләрне тантаналы бүләкләү программасы кысаларында түбәндәгеләр каралган:
11.00 – Бәйгенең лауреат исемен яулаган предприятиеләрнең товарлары һәм хезмәт күрсәтүләре күргәзмәсен карау (Казан Ратушасының фойесы);
11.15 – Пресса белән аралашу (Казан Ратушасының фойесы);
11.30–12.40 Бәйгедә җиңүчеләрне тантаналы бүләкләү (Колонна залы, 2 этаж):
• 2013 елның “Татарстан Республикасының сыйфат буенча лидеры” исемен яулаган лауреат предприятиеләрен бүләкләү;
• “Җитештерү–техник билгеләнештәге продукция” номинациясендә җиңүчеләрне бүләкләү;
• “Азык–төлек товарлары”, “Хезмәт күрсәтү”, “Халык сәнгать һөнәрләре һәм кәсәпләре” номинациясендә җиңүчеләрне бүләкләү.
Татарстан Республикасы Премьер-министры урынбасары - Татарстан Республикасы сәнәгать һәм сәүдә министры, Татарстан Республикасының иң яхшы товарлары һәм хезмәт күрсәтүләре” республика бәйгесен оештыручы комитетның рәисе Равил Зарипов әйтүенчә, “әлеге бәйге республиканың эшлеклекле даирәләр мохитендә дә, халык арасында да бик популяр. Ел саен бәйгедә катнашучылар географиясе киңәя. Татарстан Республикасы предприятиеләре һәм оешмалары һәрдаим бәйгегә ниндидер яңалыклар тәкъдим итәләр, “Татарстан Республикасының иң яхшы товарлары һәм хезмәт күрсәтүләре” бәйгесе югары дәрәҗәләр яулады. Елдан–ел бәйгенең җиңүчеләре чыгарыла торган продукциянең югары сыйфатын регионда гына түгел, ә федераль дәрәҗәдә раслыйлар”.