Татарстан Республикасы делегациясе “ENES-2013” энергия саклау буенча II халыкара конференция–күргәзмәдә катнашты

2013 елның 21–23 ноябрендә Татарстан Республикасы делегациясе “ENES-2013” энергия саклау буенча II халыкара конференция–күргәзмәдә катнашты. Мәскәүдә үтә торган “ENES-2013” энергия саклау буенча II халыкара конференция–күргәзмәдә катнашкан делегация составында – Татарстан Республикасы Премьер-министры урынбасары - Татарстан Республикасы сәнәгать һәм сәүдә министры Равил Зарипов, Татарстан Республикасының сәнәгать һәм сәүдә министры урынбасары Хәмзә Баһманов, республиканың министрлыклар, ведомстволар, предприятиеләр һәм фәнни оешмалар вәкилләре.
Форумда Татарстан Республикасы 7 темага бүленгән бердәм экспозиция рәвешендә тәкъдим ителә: Татарстан Республикасында энергия нәтиҗәлелеге һәм энергия саклау сәясәтен реализацияләү, реаль икътисад тармагында энергия нәтиҗәлелеге, энергетика кластеры, бюджет өлкәсендә һәм торак–коммуналь хуҗалыктагы дәүләт сәясәте, аграр сәнәгать секторында энергия ресурс нәтиҗәле технологияләр, энергетика нәтиҗәлелеген арттыру өлкәсендәге фәнни эшләнмәләр һәм белем бирү проектлары, 2011–2012 елларда энергия саклау өлкәсендәге программа кысаларындагы чараларны гамәлгә ашыру өчен, бүленгән федераль бюджет акчасын файдалану.
Экспозициянең региональ күргәзмәсе кысаларында, Татарстан Республикасы предприятиеләренең макетлары түбәндәге бүлекләрдә тәкъдим ителә:
• “Реаль икътисад тармагында энергия нәтиҗәлелеге” бүлеге – «Түбән Каманефтехим”;
• “Энергетика нәтиҗәлеген арттыру өлкәсендәге фәнни эшләнмәләр һәм белем бирү проектлары” бүлеге – Казан дәүләт энергетика университеты;
“ENES-2013” энергия саклау буенча II халыкара форум кысаларында “ Бюджет өлкәсендәге энергия нәтиҗәлелеге: бюджеттан тыш инвестицияләрнең яңа модельләре” түгәрәк өстәл узды. Түгәрәк өстәлдә түбәндәге мәсьәләләр каралды:
• Энергия нәтиҗәлелеген арттыруда инвестицияләрнең әһәмияте, энергия нәтиҗәлелеге өлкәсендәге проектларны гамәлгә ашыруда тоткарлый торган факторлар.
• Бюдҗеттан тыш финанслауны арттыруда дәүләт сәясәтен активизацияләү.
Татарстан Республикасы Премьер-министры урынбасары - Татарстан Республикасы сәнәгать һәм сәүдә министры Равил Зарипов белдергәнчә, “ “ENES-2013” энергия саклау буенча II халыкара конференция–күргәзмәдә Татарстан Республикасының катнашуы, энергия нәтиҗәлелеге һәм энергия саклау өлкәсендәге тәҗрибә белән уртаклашу, халыкара һәм регионара багланышларны ныгытуга ярдәм итәчәк”.