«Бу ярышлар рух көче, хезмәт сөючәнлек һәм осталык яңа мәгънәгә ия булган мәйданчыкка әверелде»
Бу хакта Татарстан Рәисе Рөстәм Миңнеханов «Абилимпикс» махсус хәрби операциясендә катнашучылар арасында һөнәри осталык буенча чемпионатны ябу тантанасында әйтте.
Чемпионат финалистларын шулай ук статс-секретарь – Россия Оборона министры урынбасары, «Ватанны саклаучылар» махсус хәрби операциясендә катнашучыларга ярдәм итү дәүләт фонды рәисе Анна Цивилева котлады. Чарада Татарстан Республикасы сәнәгать һәм сәүдә министрының беренче урынбасары Родион Карпов катнашты.
«Сезнең һәрберегезгә тирән ихтирам белдерәсем килә. Сез – Ватаныбызның чын геройлары һәм патриотлары. Хәрби сынауларны узгач, сез тыныч тормышта җиңүегезне дәвам итәсез. Бу ярышлар рух көче, хезмәт сөючәнлек һәм осталык яңа мәгънәгә ия булган мәйданчыкка әверелде», – диде Рөстәм Миңнеханов, чемпионатта катнашучыларга һәм финалистларга мөрәҗәгать итеп.
Ярышларда 259 конкурсант катнашты. Алар 15 компетенциядә һөнәри осталыкларын күрсәттеләр, шул исәптән сәнәгый робот техникасында, агачка уеп ясауда, автомобильне ремонтлауда һәм аңа хезмәт күрсәтүдә. «Пилотсыз очу аппараты операторы» компетенциясе чемпионатта катнашучылар арасында иң зур кызыксыну уятты – аны 50 дән артык кеше сайлады.
Биш көн эчендә чемпионатта катнашучылар 500дән артык конкурс биремнәрен үтәделәр. Ярышлар нәтиҗәләре буенча 75 финалист октябрьдә Мәскәүдә узган «Абилимпикс» милли чемпионаты финалында катнашачак.
«Без мондый масштаблы чараны үткәрү өчен мөмкин кадәр уңайлы шартлар тудырырга тырыштык. Ышанам ки, чемпионатның киләчәге зур, катнашучылар саны елдан-ел артачак», - диде Татарстан Рәисе.