Татарстан Республикасының «Сименс АГ» компаниясе белән хезмәттәшлек итүе арта

2013 елның 20 ноябрендә Татарстан Республикасы Премьер-министры урынбасары - Татарстан Республикасы сәнәгать һәм сәүдә министры Равил Зарипов Татарстан Республикасы Президенты Рөстәм Миңнехановның Россиядәге һәм Үзәк Азиядәге президенты, "Сименс АГ" Вице-президенты Дитрих Мёллер белән булган очрашуда катнашты.
Рөстәм Миңнеханов «Сименс» компаниясе вәкилләренә Казанга килүләре өчен рәхмәтләрен белдерде һәм Германия Татарстан Республикасының күптәнге стратегик әһәмиятле партнеры, дип ассызыклады. Татарстан белән Германия арасындагы товар әйләнеше елдан–ел арта бара. Бүгенге көндә Татарстан Республикасы территориясендә Германия инвесторлары катнашында 82 предприятие эшли. Татарстан Президенты әйтүенчә, “Сименс” компаниясе продукциясе республиканың энергетика, сәламәтлекне саклау, нефтехимия, тимер юл транспорты өлкәләрендә кулланыла. “Сименс” алдагы елларда да Татарстан белән үзара файдалы хезмәттәшлекне дәвам итәр, дип белдерде Рөстәм Миңнеханов.
Татарстан Республикасы Премьер-министры урынбасары - Татарстан Республикасы сәнәгать һәм сәүдә министры Равил Зарипов 2012 елда “Сименс” компаниясе белән Татарстан арасында имзаланган Килешү кысаларында алып барыла торган эшчәнлекнең торышы турында җиткерде.
“Сименс” компаниясенең Россиядәге һәм Үзәк Азиядәге президенты, "Сименс АГ" Вице-президенты Дитрих Мёллер Татарстан Республикасының икътисади потенциалын югары дип бәяләде, һәм “Сименс” компаниясе өчен Татарстан Республикасы инвестицияләр кертү өчен уңышлы регион булуын ассызыклады.
Бүгенге көндә “Сименс” компаниясе «СервисМонтажИнтеграция», «КЭР-Инжиниринг», «ИНВЭНТ» һәм башка компанияләр белән хезмәттәшлек итә. Дитрих Мёллер әйтүенчә, “Сименс” компаниясен Татарстан Республикасы вузлары белән хезмәттәшлек итү кызыксындыра.
Очрашу барышында “Сименс” компаниясе белән Казан дәүләт энергетика университеты арасында хезмәттәшлек итү турында Килешү имзаланды.