Казанда «Мин күкне сайлыйм» авиация бәйрәме узачак

2025 елның 25 июле, җомга

Ул 2 августта «Казан» гаилә үзәге территориясендә узачак.

Чара халык арасында авиацияне популярлаштыруга, яшьләрне авиатармакка җәлеп итүгә, инженер-техник белгечлекләрнең абруен күтәрүгә юнәлдерелгән.
Бәйрәмдә «Һөнәри юнәлеш аллеясы» оештырылачак, анда тармак предприятиеләре һәм уку йортлары катнашачак.

Кунакларны шулай ук түбәндәгеләр көтә:

күңел ачу программасы;

җирле артистлар чыгышы;

Татарстан авиация сәнәгатенең алдынгы хезмәткәрләрен бүләкләү;

балалар зонасы;

төрле мастер-класслар һәм башкалар.

Чараны Татарстан Сәнәгать һәм сәүдә министрлыгы оештыра. Бәйрәм башлана – 15:00, тәмамлана – 19:00. Керү ирекле.