РФ субъектлары башкарма хакимияте органнарының сәнәгать өлкәсендәге эшчәнлеге нәтиҗәлелеге рейтингында Татарстан тәүге тапкыр 1 урынны алды!
Бу хакта Россия сәнәгать һәм сәүдә министры Антон Алиханов катнашында РФ Сәнәгать һәм сәүдә министрлыгының киң вәкиллекле йомгаклау утырышында, "ИННОПРОМ" халыкара күргәзмәсендә билгеле булды.
Шунысын да билгеләп үтәргә кирәк, 2021-2023 елларда Татарстан рейтингта 6нчы урында иде.
Бүләкне алганда, Татарстан Премьер-министры урынбасары – сәнәгать һәм сәүдә министры Олег Коробченко: «Безнең станоклар төзү, автосәнәгать, аз тоннажлы химия һәм микроэлектроника буенча ничек эшләвебез турында сөйләргә теләдем. Ләкин сөйләмәячәкмен. Бер генә нәрсәне телим – санкцион басым кимемәсен, без төп ставканы «җиңеп», барысы да яхшы булсын!»
Соңрак ул ассызыклаганча, 2024 ел йомгаклары буенча беренче урын – республика Рәисе Рөстәм Нургали улы Миңнеханов җитәкчелегендәге командабызның, безнең предприятиеләрнең тырыш һәм килешеп эшләү нәтиҗәсе.
- Без Президентка, Хөкүмәткә, Россия Сәнәгать һәм сәүдә министрлыгына һәм барлык федераль коллегаларыбызга инициативаларны, дәүләт ярдәме чараларын хуплаулары өчен рәхмәтле.
Узган ел без сәнәгать җитештерүе индексы 105% булганда 5,6 трлн.сумнан артык продукция төяп җибәрдек. Агымдагы елның 5 аенда – 8% ка якын үсеш белән 2 трлн.сум. Чимал булмаган энергетик булмаган экспорт 3,7% ка артты, без продукцияне 102 илгә экспортлыйбыз. Төп капиталга инвестицияләр күләме 12,7% ка артты һәм 1,4 трлн.сум тәшкил итә. Без эре инвестпроектларны гамәлгә ашыруны, яңа производстволар ачуны дәвам итәчәкбез, – диде ул.