Олег Коробченко яңа туган бала өчен бүләк җыелмасы тапшырды – Татарстанда аларны 19 меңнән артык гаилә алды инде
Текстиль һәм җиңел сәнәгать һәм халык сәнгать кәсепләре хезмәткәрләре көненә багышланган тантаналы чарада вице-премьер – Татарстан Сәнәгать һәм сәүдә министрлыгы башлыгы Олег Коробченко һәм республика мәдәният министры Ирада Әюпова Миндубаевлар гаиләсендә туган яшь балага һәм гаиләнең башка әгъзаларына кечкенә бүләкләр тапшырдылар. Аларның дүрт баласы бар – өч кызы һәм яңа туган улы. Бүләкне тапшырганда Олег Коробченко үзенең 5 баласы булуын билгеләп үтте.
«Яңа туган балага бүләк» акциясе республикада 2020 елдан бирле гамәлгә ашырыла. Аны үткәрә башлаганнан бирле Татарстан җитештерүчеләре эшләнмәләреннән 19 меңнән артык бүләк комплекты формалаштырылган һәм республиканың бала тудыру йортларына озатылган. Җыелма җан башына кереме яшәү минимумыннан түбәнрәк булган гаиләләргә һәм МХОда катнашучыларның гаиләләренә тапшырыла.
Комплектка түбәндәгеләр керә:
- «Кукмара тегү фабрикасы»ннан комбинезон-трансформер һәм мендәр-кокон;
- «Кукмара киез итек-киез комбинаты»ның итекләре һәм сырган юрганнары;
- «TM CarLes» балалар махр җыелмасы (чигүле халат, капюшонлы мунча сөлгесе, бияләй һәм башмаклар);
- «Драйлок Текнолоджиз» балалар подгузниклары;
- кофта, ыштан һәм «Золотой ключик» чепчигы;
- «ИРЭН» тегү остаханәсе»ннән бязь һәм фланель тукымадан чүпрәкләр;
- кер юу порошогы, сабын, гель-шампунь, тән өчен җиңел крем, «Нәфис Косметикс» сыек сабыны;
«Картонаж-кәгазь эшләнмәсе» тоткалары белән төрү тартмасы.