РФнең Беларусьтагы сәүдә вәкиле: «Татарстан Беларусь хезмәттәшлек итә торган Россия регионнары бишлегенә керә»
Татарстан сәнәгать һәм сәүдә министрының беренче урынбасары Родион Карпов җитәкчелегендә Россия Федерациясенең Беларусь Республикасындагы Сәүдә вәкиле Юрий Золотарев белән «Сәүдә вәкиле белән бер сәгать» форматында онлайн-очрашу узды. Чарада Татарстанның 50дән артык экспорт юнәлешле компаниясе катнашты.
Юрий Золотарев үз чыгышында Россия-Беларусь хезмәттәшлегенең түбәндәге үзенчәлекләрен билгеләп үтте:
Беларусь Россиянең топ-4 сәүдә-икътисадый партнерларына керә;
- тышкы сәүдә контрактларының 90% тан артыгы милли валюталарда (күбесенчә Россия сумында) төзелә;
- Татарстан Беларусь хезмәттәшлек итә торган Россия регионнары бишлегенә керә;
- алга киткән регионара хезмәттәшлек;
- Беларусь Республикасында «РЭЦ» АҖ вәкиллеге эшли, ул Россия компанияләренә финанс һәм финанс булмаган ярдәм күрсәтә.
Сәүдә вәкиле шулай ук үзара сәүдә үсешенә китерә торган түбәндәге факторларны да билгеләп үтте:
- тел каршылыклары булмау;
- менталитет охшашлыгы;
- виза чикләүләренең булмавы һәм алга киткән транспорт элемтәсе;
- тышкы икътисадый контрактлар буенча тоткарлыксыз күчерү һәм түләү алу мөмкинлеге;
- Россия компанияләренең Беларусь Республикасында уздырыла торган сатып алу процедураларында тоткарлыксыз катнашу мөмкинлеге;
- продукцияне сертификацияләү өлкәсендә гомуми стандартлар булу.
Россия-Беларусь хезмәттәшлеге турында тулырак мәгълүмат белән сәүдә вәкиллегенең тг-каналында танышырга була: @RusBelTorg
«Сәүдә вәкиле белән бер сәгать» – «Халыкара кооперация һәм экспорт» илкүләм проекты максатларына ирешүгә ярдәм итә торган чараларның берсе.