Татарстан һәм Севастополь регионнар арасында хезмәттәшлек турында килешүгә кул куйдылар
Татарстан Рәисе Рөстәм Миңнеханов Севастополь шәһәре губернаторы Михаил Развожаев белән очрашты. Очрашуда Татарстан Премьер-министры урынбасары – сәнәгать һәм сәүдә министры Олег Коробченко катнашты.
- Безнең төбәкләрне яхшы партнерлык мөнәсәбәтләре бәйли. Севастополь шәһәре белән безнең кайбер эре компанияләр хезмәттәшлек итә. Энергетика, машина төзелеше, газ техникасы, it һәм башка өлкәләрдә тәэмин итүне арттыру өчен зур потенциал бар, – диде Рөстәм Миңнеханов.
Михаил Развожаев билгеләп үткәнчә, май аенда, KazanForum-2025 мәйданчыгында, алар Рөстәм Нургалиевич белән 10 ел элек төбәкләр арасында имзаланган килешүне яңарту турында килешкәннәр.
- Бүген без эшчәнлекнең барлык юнәлешләрен диярлек үз эченә алган 3 елга конкрет чаралар планын үз эченә алган документны имзалыйбыз. Уңышлы практикалар белән уртаклашачакбыз, алар севастопольчеләр өчен дә, шулай ук Татарстан Республикасы халкы өчен дә гамәли файда китерәчәк, – диде ул.
Очрашу азагында Татарстан белән Севастополь арасында сәүдә-икътисадый, фәнни-техник, социаль һәм мәдәни хезмәттәшлек турында килешү һәм 2025-2027 елларга аны гамәлгә ашыру буенча Чаралар планы имзаланды.
Шулай ук Тыва Республикасы башлыгы Владислав Ховалык белән очрашу узды. Анда Рөстәм Миңнеханов Татарстан предприятиеләренең Тыва белән багланышларны үстерүгә зур кызыксыну күрсәтүенә игътибар итте. Бүген йөк техникасы, шин продукциясе, компьютер техникасы һ.б. кайтарыла.
Моннан тыш, очрашуда 2026-2028 елларга Татарстан Хөкүмәте һәм Тыва Республикасы Хөкүмәте арасында икътисадый, мәдәни социаль һәм башка өлкәләрдә хезмәттәшлек турында килешүне гамәлгә ашыру буенча Чаралар планы имзаланды.
#межрегиональноесотрудничество #пмэф #форум #соглашение