Татарстан компанияләре «Ел инновациясе 2025» конкурсының «Корпоратив инновация» номинациясенә гариза бирә ала

2025 елның 17 июне, сишәмбе

Әлеге номинация компания эчендә инновацияләргә актив ярдәм итүче һәм стартаплар белән хезмәттәшлек итүче эре компанияләр өчен каралган.

«Корпоратив инновация» категориясендә катнашу компанияләр алдында уникаль мөмкинлекләр ача:

• Үзең турында регионда инновацияләрне үстерү һәм аларга ярдәм итү лидеры буларак белдерергә;
• Үз казанышларыңны республика дәрәҗәсендә тәкъдир итәргә;
• Абруеңны ныгытырга һәм танылуга лаек булырга;
• Команданы яңа проектларга илһамландырырга.

Моннан тыш, катнашу корпорацияләргә дә түбәндәге мөмкинлекләрне бирә:

• Компаниягә күбрәк инновацион командалар җәлеп итәргә;
• Хезмәткәрләрнең идеяләрен хуплап, талантлы кадрлар җыярга.

Конкурста түбәндәге юнәлешләр буенча катнашырга мөмкин:

• Яңа химия, нефть химиясе, яңа материаллар;
• Машина төзелеше, приборлар төзелеше, энергетика;
• Биотехнологияләр һәм агросәнәгать комплексы;
• Медицина һәм кеше сәламәтлеге;
• Мәгълүмати һәм телекоммуникацион технологияләр.

Гаризалар 30 июльгә кадәр рәсми сайтта кабул ителә.  Бу үз казанышларыңны күрсәтү һәм базарда позицияләреңне ныгыту мөмкинлеге. Барлык катнашучыларга да кыю идеяләр һәм проектларның уңышлы тормышка ашырылуын телибез!

Сылтама буенча конкурс турында тулырак бирелгән: https://bestinnovation.ivfrt.ru