Татарстанда кече һәм урта бизнес өлкәсендә «Ел экспортеры» төбәк конкурсында җиңүчеләрне игълан иттеләр
Сәнәгать өлкәсендә җиңүчеләр булып түбәндәгеләр танылды: «Питон Кама» ҖЧҖ, «ЭЛЕПС» ФҖФ» ҖЧҖ, «Пыяла-пластик торбалар заводы» ФҖБ» ҖЧҖ.
Предприятиеләр вәкилләренә бүләкне Казандагы Эшкуар йортында Татарстан сәнәгать һәм сәүдә министры урынбасары Герман Лернер тапшырды.
- Татарстан Республикасы чит ил базарларына экспортны актив үстерә. Узган ел Татарстан Республикасында төяп җибәрелгән продукциянең 20% экспортка киткән, бу аның Россия территориясендә генә түгел, ә аннан читтә дә бик кирәк булуын күрсәтә. Моннан тыш, безнең компанияләргә алар эшендә чит илләрдәге вәкилләребез дә зур ярдәм күрсәтә. Шулай ук безнең предприятиеләргә тышкы базарларга чыгуны җиңеләйтү өчен күп эшләүче Россия сәүдә вәкилләренә рәхмәт белдерәсем килә, – диде ул.
Өстәп әйтик, 2024 елда Россия экспорт үзәгенең ярдәмен Татарстанның 34 экспортлаучы предприятиесе алды. Узган ел Татарстанда экспортка юнәлтелгән 3000нән артык кече һәм урта бизнес предприятиеләренә хезмәт күрсәтелгән. КУЭ 64 субъекты экспорт контрактларын төзеде. 38 илгә экспорт хупланды.
Чара «Халыкара кооперация һәм экспорт» илкүләм проекты максатларына ирешүгә ярдәм итә.