Бурятия Республикасы делегациясенең Татарстан Республикасына визиты нәтиҗәләре

2013 елның 10–12 ноябрендә Бурятия Республикасы Башлыгы – Бурятия Республикасы Хөкүмәте рәисе Вячеслав Наговицын җитәкчелегендәге делегация Татарстан Республикасына килде. Делегация составында – Бурятия Республикасы Халык Хуралы рәисе, Бурятия Республикасы Халык Хуралы депутатлары, Бурятия Республикасы Хөкүмәте рәисенең беренче урынбасары, тармак министрлыклары һәм ведомствалар җитәкчеләре, предприятиеләр директоралары.
Визит кысаларында Бурятия Республикасы делегация әгъзалары югары технологияләр өлкәсендәге технопарк – “ИТ-парк”ын, Казан федераль университетын, «Казань-Арена» футбол стадионын, су төрләре спорт Сараен карадылар, шулай ук Татарстан Республикасы һәм Бурятия Республикасының икътисадый потенциалы презентацияләнгән бизнес–форумда да катнаштылар.
Кунакларны “Казан вертолет заводы” ААҖ, , «Химград», технополисы, «Майский» комбинаты” ҖЧҖ эшчәнлеге белән таныштырдылар.
Казан Кремлендәге киңәйтелгән утырышта Рөстәм Миңнеханов белән Вячеслав Наговицын Татарстан Республикасы белән Бурятия Республикасы арасында сәүдә-икътисади, фәнни-техник һәм социаль-мәдәни хезмәттәшлек турындагы Килешү имзаладылар.