«Татарстан Республикасының иң яхшы товарлары һәм хезмәтләре» конкурсында катнашуга гаризалар кабул итү дәвам итә
Конкурста катнашу продукциягә һәм хезмәт күрсәтүләргә бәйсез эксперт бәясен алу, шулай ук сезнең оешма эшчәнлегенә сыйфат, куркынычсызлык, энергия нәтиҗәлелеге һәм заман таләпләренә туры килү күзлегеннән объектив бәя бирү мөмкинлеген бирә. Экспертлар белән берлектә, алар исәбенә профильле министрлыклар һәм ведомстволар вәкилләре дщ керә, эштә көчле һәм йомшак яклар, шулай ук алга таба үсеш өчен мөмкинлекләр ачыклана.
Шунысын да билгеләп үтәргә кирәк, лауреатлар һәм дипломантлар конкурс логотибын маркетинг максатларында куллану, аны озата баручы документациядә һәм үз продукциясен төргәкләүдә урнаштыру хокукына ия була.
Иң яхшы товарлар һәм хезмәтләр турындагы мәгълүмат конкурста җиңүчеләрнең еллык каталогына эләгәчәк, ул Татарстанның бизнес-бергәлекләре арасында таратыла, республика министрлыклары һәм ведомстволары җитәкчеләренә, муниципаль районнар башлыкларына, шулай ук Татарстанның сәүдә вәкиллекләренә җибәрелә.
Моннан тыш, республика конкурсында җиңүчеләр «Россиянең иң яхшы 100 товары» программасы Бөтенроссия конкурсының федераль этабына чыгу хокукына ия булалар.
Катнашуга гаризаны 15 апрельгә кадәр электрон почта аша тапшырырга кирәк: best@tatcsm.ru. Өстәмә мәгълүмат алу өчен әлеге телефоннар буенча мөрәҗәгать итәргә: +7 (843) 233-18-13, 233-18-57.
Конкурста катнашу шартлары һәм кирәкле документлар исемлеге турында тулырак мәгълүмат «Татарстан Республикасында Стандартлаштыру, метрология һәм сынаулар дәүләт төбәк үзәге» ФБУ сайтында.