РФнең Мисырдагы сәүдә вәкиле: «Дәүләт җитештерүне локальләштерүгә йөз тота һәм төрле преференцияләр һәм ташламалар бирә»
Татарстан Премьер-министры урынбасары – сәнәгать һәм сәүдә министры Олег Коробченко җитәкчелегендә Россия Федерациясенең Мисыр Гарәп Республикасындагы Сәүдә-икътисадый вәкиле Алексей Теванян белән онлайн-очрашу узды. Чарада Татарстанның 40дан артык компаниясе катнашты.
Очрашуда товар әйләнешен арттыру мөмкинлеге турында фикер алыштылар, бөртекле һәм майлы продукция китерүдә зур потенциал бар. Алексей Теванян ассызыклаганча, Мисыр җитештерүне локальләштерүгә йөз тота һәм төрле преференцияләр һәм ташламалар бирә.
РФнең Мисырдагы сәүдә вәкиленең төп тезислары:
- китерүләрне киңәйтү өчен перспективалы товарлар-бөртекле культураларны тирәнтен эшкәртү продуктлары (крахмал, глютен), водород җитештерү һәм эшкәртү өчен җайланмалар, экология һәм яңартыла торган энергия чыганаклары өлкәсендәге хәл ителешләр, шулай ук транспорт һәм авыл хуҗалыгы машиналары төзү продукциясе.
- Мисыр катлаулы базарга ия, анда төрле менталитет аркасында көндәшлек итүе авыр. Әмма Татарстан предприятиеләренең өстенлекләре бар, чөнки менталитетлар охшаш.
- Ил инвесторлар һәм җитештерүне локальләштерү өчен ачык.
- Мисыр чит ил валютасында кискен кытлык кичерүен дәвам итә, шуңа күрә түләү белән проблемалар булырга мөмкин.
- Мисырда Россия экспортерлары катнашында иң перспективалы чараларны сайтта карарга була.
«Сәүдә вәкиле белән бер сәгать» – «Халыкара кооперация һәм экспорт» илкүләм проекты максатларына ирешүгә ярдәм итә торган чараларның берсе.
Татарстан Сәнәгать һәм сәүдә министрлыгы каналына язылырга