КДЭУ – 2024 елда РФ Хөкүмәтенең сыйфат өлкәсе премиясе дипломанты
РФ Федерация Советында 2024 елда сыйфат өлкәсендә РФ Хөкүмәте премияләрен алуга конкурс дипломантларын бүләкләү тантанасы булды. Дипломнарны илнең төрле төбәкләреннән 14 оешма алды.
«Премия дипломантлары алар өчен сыйфатның стратегик өстенлек булуын күрсәттеләр. Аларның тәҗрибәсе шуны күрсәтә: даими үсеш һәм модернизация генә илнең сәнәгать потенциалын ныгытырга һәм аның икътисадый тотрыклылыгын тәэмин итәргә мөмкинлек бирә», – диде РФ сәнәгать һәм сәүдә министры Антон Алиханов.
Премияләр алуга конкурс үткәрү кысаларында нәтиҗәлелек һәм идарә өлкәсендә экспертлар премия моделе буенча оешмалар һәм предприятиеләр эшчәнлегенә 9 критерий буенча һәрьяклап бәя бирәләр, шул исәптән: лидерлык, сәясәт һәм стратегия, персонал, партнерлык, продукция, хезмәтләр, төп нәтиҗәләр. Хөкүмәт премиясен оештыру һәм уздыру буенча комплекслы эшләрне Роскачество башкара.
Конкурс дипломантларын оешмалар процессларының сыйфатын диагностикалау йомгаклары буенча алган баллар нигезендә Россия Федерациясе Хөкүмәтенең сыйфат өлкәсендәге премияләрен бирү советы раслый, аңа министрлыклар һәм ведомстволар җитәкчеләре, эре эшлекле берләшмәләр башлыклары керә. Советны Россия Федерациясе Хөкүмәте Рәисенең беренче урынбасары Денис Мантуров җитәкли, советның сәркатибе – Роскачество җитәкчесе Максим Протасов.
«Казан дәүләт энергетика университеты» югары һөнәри белем бирү ФДБМУ – «250 дән 1000 кешегә кадәр эшләүче оешма» номинациясендә премия дипломанты.