Владимир Путин Татарстанның чимал булмаган экспорты үсешен билгеләде

2025 елның 3 марты, дүшәмбе

Кремльдә Россия Президенты Владимир Путин белән Татарстан Рәисе Рөстәм Миңнеханов  арасында очрашу булды.

ТР Рәисе дәүләт башлыгына төбәкнең икътисадый үсеше турында сөйләде:

• Без эре сәнәгать төбәге: илнең тулаем [эчке] продуктында 3% тәшкил итәбез.
• Татарстан ул – 24% полиэтилен, 41% каучук, 61% йөк шиннары, 30% йөк автомобильләре һәм 7% нефть чыгару.
• Республика 24,3 млн тонна нефть эшкәртә, эшкәртү тирәнлеге – 99,4-99,5 процент.
• КАМАЗ комплектлау детальләре белән бәйле кыенлыкларны урап уза алды, күп проектлар Россиядә гамәлгә ашырыла башлады.
• Без сезгә тәкъдир иткән «Атом» электромобиле буенча актив эш алып барыла.
• «Аммоний» компаниясе минераль ашламалар җитештерү буенча яңа куәтләр булдырырга планлаштыра.
• Һәр проект бөтен дөнья нормаларына җавап бирә. Татарстан «яшел» һәм циркуляр икътисадның барлык таләпләрен үти. Чыгарылмалар булган үзебезнең производстволарны модернизацияләү өлешендә җитди эшлибез һәм аларны сизелерлек киметәбез. Бу һавага да, суга да чыгарулар буенча.

Үз чиратында, Владимир Путин билгеләп үткәнчә, Татарстанның тулай төбәк продукты соңгы елларда өч мәртәбә диярлек арткан.

- Экспортның гомуми күләмендә [Татарстанның] чимал булмаган экспорты өлеше ике тапкырга диярлек артты – бу бик яхшы күрсәткеч, - диде РФ Президенты.

Тулырак сылтама буенча укыгыз.