РФнең Сингапурдагы сәүдә вәкиле илләр арасындагы хезмәттәшлек өчен 4 тармакны атады
ТР Сәнәгать һәм сәүдә министрлыгында Татарстан сәнәгать һәм сәүдә министры урынбасары Герман Лернер җитәкчелегендә Сингапур Республикасында Россиянең Сәүдә-икътисадый вәкиле Михаил Бондаренко белән онлайн-очрашу узды. Чарада Татарстанның 50дан артык компаниясе катнашты.
Герман Лернер билгеләп үткәнчә, ил белән эшләү үзенчәлекләренә карамастан, республиканың бизнес-структуралары тарафыннан Сингапур белән хезмәттәшлек итү кызыксыну уята.
Сингапурда РФ сәүдә вәкиленең төп тезислары:
- Сингапур – халыкара хаб, дөньяның 4 нче финанс үзәге;
- Хәзерге вакытта хәләл продукция белән кызыксыну бар;
- Сингапур белән эш 99% очракта 3 ил аша бара;
- Сәүдә вәкиллеге Россия һәм Сингапур хезмәттәшлеге өчен 4 тармакны ачыклады – авыл хуҗалыгы, аэрокосмос сәнәгате, финанс технологияләре һәм блокчейн, робот техникасы.
Шулай ук РФ сәүдә вәкилләре белән якындагы очрашулар турында искә төшерәбез:
- Алжир Халык Демократик Республикасы – 19 февраль, 13:30 сәгатьтә
Индонезия Республикасы – 25 февральдә 10:00 сәгатьтә «Сәүдә вәкиле белән бер сәгать» – «Халыкара кооперация һәм экспорт» илкүләм проекты максатларына ирешүгә ярдәм итә торган чараларның берсе.