РФнең Берләшкән Гарәп Әмирлекләрендәге сәүдә вәкиле: «Россия бизнесы Берләшкән Гарәп Әмирлекләре территориясендә үзен уңай хис итә»

2025 елның 28 гыйнвары, сишәмбе

28 гыйнварда Татарстан сәнәгать һәм сәүдә министры урынбасары Герман Лернер җитәкчелегендә Россиянең Берләшкән Гарәп Әмирлекләрендәге сәүдә-икътисадый вәкиле Андрей Терехин белән онлайн-очрашу булды. Чарада Татарстанның 60дан артык компаниясе катнашты.

Берләшкән Гарәп Әмирлекләрендә РФ сәүдә вәкиленең төп тезислары:

БГӘ – эшләргә мөмкинлек булган һәм кирәкле ил;

• хәзерге вакытта ил яшел икътисад һәм яшел энергетикага юнәлеш ала;
• Россия бизнесы ил территориясендә үзен уңай хис итә, моны Россиядән күп санлы компанияләр раслый;
• БГӘ хөкүмәтенең максаты – чит ил инновацияләрен һәм талантларын җәлеп итү;
• хезмәттәшлек өчен перспектив тармакларның берсе – фармацевтика;
• ил җитештерүне локальләштерү күзлегеннән караганда бик уңайлы. 

«Сәүдә вәкиле белән бер сәгать»  – «Халыкара кооперация һәм экспорт»  илкүләм проекты максатларына ирешүгә ярдәм итә торган чараларның берсе.