Атом булачак электромобильнең серия алды прототибын күрсәтте
Презентация Мәскәү, Санкт-Петербург һәм Чаллы офисларында узды.
Атом электромобиле 2021 елдан бирле эшләнә. Хәзерге вакытта компаниядә 1600 дән артык кеше эшли. Компетенцияләр үзәге һәм җитештерү мәйданчыгы Мәскәүдә, бүлекчәләр — Чаллыда, Санкт-Петербургта, Тольяттида, шулай ук Нанкинда һәм Шанхайда (Кытай) урнашкан.
2024 ел ахырында проект командасы тарафыннан серияле булмаган технологик процесс буенча конвейер линиясеннән тыш җитештерелгән беренче серияле үрнәкләр җыелган. Әлеге прототиплар тулысынча функциональ автомобильләр булып тора, алар лабораторияләрдә, полигоннарда һәм гомуми файдаланудагы юлларда физик сынаулар өчен каралган. Шуннан соң команда кирәкле эшләп бетерүләр үткәрәчәк һәм үзгәрешләр кертәчәк.
Атомнарны серияле җитештерүне эшләтеп җибәрү 2025 елның уртасында планлаштырыла. Моңа кадәр сертификация узарга, сатудан соң хезмәт күрсәтүне җайга салырга һәм булачак электромобильгә ия булу уңайлылыгын һәм кулайлыгын арттырачак программа продуктларын эшләтеп җибәрергә кирәк булачак.
Электромобиль белән идарә итү сенсор дисплейлы руль, тавыш ярдәмчесе һәм алгы пыялада өстәмә чынбарлык проекциясе ярдәмендә башкарылачак.