Олег Коробченко Татарстанда электр белән тәэмин итү куркынычсызлыгын тәэмин итү буенча утырыш үткәрде
Татарстан Сәнәгать һәм сәүдә министрлыгында ТР Премьер-министры урынбасары – сәнәгать һәм сәүдә министры Олег Коробченко җитәкчелегендә республикада электр белән тәэмин итү куркынычсызлыгын тәэмин итү буенча Штаб утырышы узды.
Утырышта төбәкнең электр энергетикасы субъектларын бәйрәм һәм эшләми торган ял көннәренә әзерләү, киләсе елга төп чаралар планы һәм электр челтәре хуҗалыгы объектларын берләштерү кебек мәсьәләләр каралды.
«Алда бездә озын ял көннәре – бәйрәм көннәре көтә, һәм монда, һава шартларына карамастан, энергетикларның тотрыклы эшләве мөһим», – диде Олег Коробченко.
Челтәр компаниясе, ТГК-16, Татэнерго, Казанның Газпром трансгаз, Түбән Кама ҖЭҮ вәкилләре ял көннәренә әзерлек турында хәбәр иттеләр.
Моннан тыш, быел федераль дәрәҗәдә система барлыкка китерүче территориаль челтәр оешмасында электр челтәре хуҗалыгын берләштерүгә кагылышлы закон актлары кабул ителде. Татарстан Рәисе боерыгы белән Татарстанда мондый оешма итеп «Челтәр компаниясе» билгеләнде.