Олег Коробченко Сәнәгать буенча координация советы утырышында катнашты
Ул 13 декабрьдә Мәскәү өлкәсендә, Красногорскида, Россия сәнәгать һәм сәүдә министры Антон Алиханов рәислегендә узды.
Утырышның темасы – «2030 елга кадәр Россия Федерациясендә балалар товарлары җитештерүне үстерү бурычлары турында».
Утырыш башланыр алдыннан катнашучылар Антон Алиханов белән бергә балалар товарлары индустриясе предприятиеләренең стендларын карадылар.
Россия Сәнәгать һәм сәүдә министрлыгы башлыгы хәбәр иткәнчә, Россиядә балалар товарларын җитештерү күләме арта бара – узган ел һәм быел 5% чамасы. Аның сүзләренчә, юл картасы күрсәткечләрен үтәү өчен киләчәктә дә шундый уртача еллык темпны саклап калырга кирәк.
Тармакка федераль ярдәмнең төп өлеше бердәм төбәк субсидиясе аша гамәлгә ашырылачак. Россия Сәнәгать һәм сәүдә министрлыгы региональ хакимият органнарына балалар товарларын җитештерүчеләргә җиткерүне аерым юнәлеш итеп бүлеп бирү буенча тәкъдимнәр юллады.
Без беләбез, күп кенә җитештерүчеләр коммуналь һәм инженерлык инфраструктурасына тоташтыруда, шулай ук кооперацион элемтәләр урнаштыруда ярдәм кирәклеген билгеләп үттеләр. Шуңа күрә тармак планында кластерлы алымны үстерү каралган, – дип ассызыклады министр.
Министр сүзләренчә, җирле хакимият ярдәме белән мондый берләшмәләр бөтен ил буйлап барлыкка киләчәк.
Финанс механизмнарыннан тыш, милли режим кысаларында кулланыла торган чикләүләр яңадан каралачак. Моның өчен балалар товарлары исемлеге төзеләчәк, аларга чит ил продукциясен дәүләт сатып алуларына һәм дәүләт катнашындагы компанияләр сатып алуларына кертүне тыюлар җәелдереләчәк.
#координационныйсовет #промышленность