Татарстан командасы һөнәри осталык буенча «Профессионаллар» чемпионатында 34 медаль яулаган!

2024 елның 5 декабре, пәнҗешәмбе

Санкт-Петербургта «Профессионаллар» һөнәри осталык чемпионатының финалы тәмамланды. Татарстан җыелма командасы яулаган җиңүләр:

• 11 алтын;
• 12 көмеш;
• 11 бронза медаль.

Өстәмә рәвештә индустриаль зачетта Татарстанның 7 медале бар – 5 көмеш һәм 2 бронза.

Төбәкара (йомгаклау) чемпионат һәм югары технологияләр чемпионаты нәтиҗәләре буенча республика җыелма командасы быел төрле дәрәҗәдәге 171 медаль яулады!

Өстәп әйтик, җиңү өчен Россиянең 73 төбәгеннән һәм 25 илдән (Беларусь, Филиппин, Колумбия, Кения, Сүрия һәм башкалар) 900дән артык финалист көрәште.

Татарстан җыелма командасы составына 62 конкурсант һәм 62 эксперт-остаз керде.

Призерларыбызны чемпионатта лаеклы җиңүләре белән котлыйбыз!