Олег Коробченко Росатом һәм Россия федераль атом-төш үзәге делегациясе белән очрашуда катнашты
ТР Хөкүмәте Йортында узган очрашуда республика Рәисе Рөстәм Миңнеханов Росатом һәм Россия федераль атом-төш үзәге – Бөтенроссия эксперименталь физика фәнни-тикшеренү институты коллегаларына мәгариф, сәнәгать һәм ИТ өлкәләрендәге уртак проектларны гамәлгә ашыруда хезмәттәшлек иткәннәре өчен рәхмәт белдерде.
Ул искәрткәнчә, Татарстанның сәнәгать потенциалы һәм компетенцияләре шактый, ә предприятиеләр Росатом белән берлектә алдынгы технологияләрне гамәлгә кертәләр һәм яңа проектларны гамәлгә ашыралар.
Безнең өчен Росатом безнең университетларны терәк югары уку йортлары рәтенә кертүе, КНИТУ-КАИ базасында алдынгы инженерлык мәктәбенең төп партнеры булуы мөһим. Бу безнең югары уку йортларына студентлар әзерләүне яхшыртырга, ә Росатомга производствоны әзерлекле инженер кадрлары белән тәэмин итәргә мөмкинлек бирде. Ышанам ки, без яңа уртак проектларны гамәлгә ашыруга юнәлдерелгән хезмәттәшлегебезне дәвам итәчәкбез, – диде Рөстәм Миңнеханов.
Очрашуда яңа перспектив проектлар турында фикер алыштылар, шулай ук Татарстан студентларының югары уку йортлары фәнни институтлары базасында өстәмә белем алу мөмкинлеге турында да килештеләр.