Татарстан халкы хакимият органнары өчен өстенлекле бурычларны сайлый ал

2024 елның 28 ноябре, пәнҗешәмбе

Моның өчен «ТР Хезмәтләре» мобиль кушымтасында һәм Татарстан Республикасы Дәүләт хезмәтләре порталында «Халыктан сораштырулар» бүлегендә онлайн-тавыш бирүдә катнашырга кирәк (https://open.tatarstan.ru/polls).

Республика башкарма хакимият органнарының максатларын һәм бурычларын ачык итеп формалаштыру һәм аларның үтәлешенә җәмәгать контроле буенча сораштыру 2024 елның 7 декабрендә тәмамланачак. Тавыш бирүдә республиканың алты социаль министрлыгының, шул исәптән Сәламәтлек саклау министрлыгы, Мәгариф һәм фән министрлыгы, Спорт министрлыгы һәм башкаларның максатларын һәм бурычларын сайларга мөмкин.