РФнең Австриядәге сәүдә вәкиле: «Бернигә дә карамастан хезмәттәшлек итәргә әзер компанияләр бар»
ТР Сәнәгать һәм сәүдә министрлыгы тарафыннан РФнең Австриядәге сәүдә-икътисадый вәкиле Андрей Плотников белән оештырылган онлайн-очрашу Татарстанның 40ка якын предприятиесен җыйды.
– Хезмәттәшлек кимүгә карамастан, сәүдә-икътисадый мөнәсәбәтләрне яңарту һәм үстерү потенциалы актуаль булып кала, – дип билгеләп үтте министр урынбасары Герман Лернер.
Сәүдә вәкиле чыгышының төп тезислары:
– Россия, шул исәптән Татарстан компанияләре, Австрия белән хезмәттәшлек итү өчен мөмкинлекләр таба ала. Мәсәлән, бу ил территориясендә халыкара күргәзмәләрдә катнашырга. РФ Сәүдә вәкиллеге сайтында 2025 елга авыл хуҗалыгы һәм металл эшкәртү өлкәсендә тәкъдим ителгән һәм перспективалы күргәзмәләр исемлеге бастырылды;
- Россия товарлары Австрия базарына килүен дәвам итә. Бу фармацевтика тармагыннан, машина төзелешеннән булган товарлар;
- Өченче илләр аша китерү мөмкинлеге бар;
- РФ Сәнәгать һәм сәүдә министрлыгы ярдәмендә төзелгән тышкы сәүдә үзәге тәэмин итүне оештыруда һәм түләүләр үткәрүдә ярдәм итәргә әзер;
Бернигә дә карамастан, Россия компанияләре белән хезмәттәшлек итәргә әзер Австрия компанияләре бар.
Очрашуда шулай ук Татарстан Республикасының Чехия Республикасындагы Сәүдә-икътисадый вәкиле Зөфәр Габделгалиев катнашты.
Әлеге чара «Халыкара кооперация һәм экспорт» илкүләм проекты максатларына ирешүгә ярдәм итә.