«Ел инженеры-2024» конкурсына узган ел белән чагыштырганда өчтән бергә күбрәк гариза бирелгән!
«Ел инженеры» V республика конкурсына https://инженергодарт.рф/ 437 гариза кергән. Бу узган ел белән чагыштырганда 30% ка күбрәк. Бу хакта бүген оештыру комитеты утырышында Татарстан Республикасы сәнәгать һәм сәүдә министрының беренче урынбасары Родион Карпов хәбәр итте.
Конкурста 68 оешма вәкилләре катнаша, шуларның 8е югары уку йортлары.
- Югары белем бирү оешмаларының активлыгын билгеләп үтәсем килә. 2 әйдәп баручы инженерлык югары уку йорты – КНИТУ-КАИ (106 гариза), һәм КНИТУ (76 гариза) аеруча аерылып торды. Предприятиеләр арасында Челтәр компаниясен, Газпром трансгаз Казан, Татнефть, Казан ДСК, КАМАЗ, Казан вертолет заводын аерып күрсәтер идем, – диде Родион Карпов.
Ул билгеләп үткәнчә, өч категориядән («Булачак инженерлар», «Яшьлек, уңыш, перспектива» һәм «Тәҗрибә, казаныш, компетентлылык») гаризалар саны буенча иң массакүләм категория – «Яшьлек, уңыш, перспектива» (186 гариза). Анда 35 яшькә кадәрге эшләүче инженерлар һәм югары уку йортлары хезмәткәрләре катнаша.
Номинацияләр арасында иң популярлары – «Авыл хуҗалыгы, азык-төлек, эшкәртү сәнәгате» һәм «Энергетика». Алга таба «Машина төзелеше» һәм «Авиация сәнәгате». «Төзелеш» һәм «Радиоэлектроника» номинацияләрендә гаризалар саны сизелерлек артты.
Утырышта Татнефтехиминвест-холдинг генераль директоры Рафинат Яруллин рәислегендә 44 кешедән торган конкурс комиссиясе составы расланды. Болар – җитештерүчеләр һәм югары уку йортлары вәкилләре, аларга эшләрен бәяләргә һәм турыдан-туры турда катнашучыларны сайларга туры киләчәк. Ул 9-10 декабрьдә «Корстон» КСК узачак.
Конкурс ТР Сәнәгать һәм сәүдә министрлыгы тарафыннан республика Рәисе ярдәме белән үткәрелә.