Оборона-сәнәгать комплексы оешмаларын югары квалификацияле кадрлар белән тәэмин итү мәсьәләләре каралды

24 октябрьдә "Оборона-сәнәгать комплексы оешмаларын югары квалификацияле кадрлар белән тәэмин итү мәсьәләсе буенча" Россия Федерациясе Хөкүмәте каршындагы Хәрби-сәнәгать комиссиясе утырышы узды. Утырышта Россия Федерациясе Хөкүмәте Рәисе урынбасары, Россия Федерациясе Хөкүмәте каршындагы Хәрби-сәнәгать комиссиясе рәисе Д.О.Рогозин катнашты.
Россия Федерациясе Хөкүмәте каршындагы Хәрби-сәнәгать комиссиясе утырышында катнашучылар Татарстанның кайбер предприятиеләре һәм профессиональ белем бирү учреждениеләре белән таныштылар. Россия Федерациясе Хөкүмәте Рәисе урынбасары, Россия Федерациясе Хөкүмәте каршындагы Хәрби-сәнәгать комиссиясе рәисе Дмитрий Рогозин, Татарстан Республикасы Премьер-министры Илдар Халиков, ТР Премьер-министр урынбасары - сәнәгать һәм сәүдә министры Равиль Зарипов, Россия Федерациясе Хөкүмәте каршындагы Хәрби-сәнәгать комиссиясе рәисе урынбасары Иван Харченко һәм башка рәсми комиссиянең башка әгъзаларына "КАПО-Композит" заводында композит материалларыннан җитештерелгән эшләнмәләр тәкъдим ителде. "КАПО-Композит"ны кадрлар белән тәэмин итү өчен завод Казанның шул профильдәге мәгариф оешмалары белән хезмәттәшлек итә.
Дмитрий Рогозинга һәм комиссия әгъзаларына Горбунов исемендәге Казан авиация-җитештерү берләшмәсенең укыту-җитештерү үзәгендә урнашкан “КАИ-лазер” инжиниринг үзәген презентацияләү үткәрелде. Лазер технологияләре үзәге белән танышу барышында комиссия әгъзаларын “IPG Photonics” компаниясенең лазер станоклары белән таныштырдылар. Оборона – сәнәгать комплексы предприятиеләренең кадрлар әзерләү буенча Казан илкүләм тикшеренү техник университеты – КАИ катнашындагы проектларының презентациясе үткәрелде.
Татарстан Республикасы Премьер-министры Илдар Халиков Россия Федерациясе Хөкүмәте каршындагы Хәрби-сәнәгать комиссиясе рәисе Дмитрий Рогозинга “Сакчыл җитештерү” технологияләрен Татарстан Республикасында файдалану тәҗрибәсе турында хәбәр итте.
Россия Федерациясе Хөкүмәте Рәисе урынбасары Д.Рогозин, Татарстан Республикасы Премьер-министры Илдар Халиков, ТР Премьер-министры урынбасары - сәнәгать һәм сәүдә министры Равиль Зарипов, хәрби –сәнәгать комплексы вәкилләре Зеленодольск шәһәрендә Горький исемендәге завод хезмәткәрләре өчен төзеләчәк өйнең нигезенен салуда катнаштылар.
Горький исемендәге заводның укыту үзәгендә Дмитрий Рогозинга предприятиеләр өчен һөнәри белгечләр әзерләү системасы күрсәтелде.
Казанның вертолет заводында Татарстан Республикасы Премьер-министр урынбасары –сәнәгать һәм сәүдә министры Равиль Зарипов Россия Федерациясе Хөкүмәте Рәисе урынбасары, Россия Федерациясе Хөкүмәте каршындагы Хәрби-сәнәгать комиссиясе рәисе Дмитрий Рогозинны Татарстан Республикасы территориясендә урнашкан оборона–сәнәгать комплексы предприятиеләренең күргәзмәсе белән таныштырды.
«Радиоприбор» заводы җитәкчелеге предприятие өчен кадрлар әзерләү системасы, эшче һөнәрләр буенча кадрлар әзерләүнең яңа юнәлешләре турында сөйләде. Дмитрий Рогозин шулай ук «ПОЗИС», «Казан дары заводы», балаларның техник иҗаты күргәзмәләре белән танышты.
РФ Хөкүмәте рәисе урынбасары Дмитрий Рогозин көннең икенче яртысында “Казан вертолет заводы” ААҖ базасында Хәрби-сәнәгать комиссиясенең күчмә утырышын уздырды. Анда илнең оборона-сәнәгать комплексы өчен белгечләр әзерләү хакында сүз барды. Россия Федерациясе Хөкүмәте Рәисе урынбасары 2014 елның язында Казанда оборона –сәнәгать комлексы предприятиеләре җитәкчеләре катнашында «Сакчыл җитештерү» мәсьәләләре буенча киңәшмә узачагы турында хәбәр итте.
ТР Премьер-министры Илдар Халиков үзенең чыгышында оборона–сәнәгать комплексы предприятиеләре өчен югары квалификацияле кадрлар әзерләү мәсьәләсенең кискен торуы турында әйтеп узды. Татарстанда оборона–сәнәгать комплексына караган 13 предприятие һәм 20 фәнни–тикшеренү институты урнашкан. Республика Хөкүмәте башлыгы оборона–сәнәгать предприятиеләренә киләчәктә дәүләт заказлары һәм уңай үсеш перспективалары барлыгын ассызыклады.
Утырышта катнашучылар югары квалификацияле кадрлар әзерләүдә Казан вертолет заводының уңай тәҗрибәсе белән таныштылар.
РФ Хөкүмәте рәисе урынбасары Дмитрий Рогозин киңәшмә ахырында Татарстан Республикасы җитәкчелегенә, ТР Сәнәгать һәм сәүдә министрлыгына, Татарстан Республикасы территориясендә урнашкан оборона–сәнәгать комплексы предприятиеләре җитәкчеләренә Россия Федерациясе Хөкүмәте каршындагы Хәрби-сәнәгать комиссиясенең күчмә утырышы кысаларындагы чараларны югары дәрәҗәдә уздырулары өчен рәхмәтләрен җиткерде.