Олег Коробченко: «Иң яхшы остаз – сезнең тәҗрибә»
Премьер-министр урынбасары – Татарстанның сәнәгать һәм сәүдә министры Олег Коробченко «Татарстан Республикасында остазлыкның иң яхшы тәҗрибәләре» конкурсының төбәк этабында җиңүчеләрне һәм призерларны бүләкләде.
«Остазлык – лаексыз рәвештә онытылган һәм хәзер яңадан торгызыла торган нәтиҗәле корал. Һәм мин сезнең барыгызның да бу эштә актив катнашуыгызга рәхмәтлемен. Остазлар остазларны тәрбияли бит. Ә иң яхшы остаз – сезнең тәҗрибә. Һәм без аны башка предприятиеләрдә тиражлау өчен кулланачакбыз», – диде Татарстан Сәнәгать һәм сәүдә министрлыгы башлыгы.
Әлеге конкурс «Хезмәт җитештерүчәнлеге» илкүләм проектын гамәлгә ашыру кысаларында инде бишенче ел уздырыла һәм ике этапны үз эченә ала – төбәк һәм федераль. Ул предприятиеләрнең үсешенә һәм нәтиҗәлелеген күтәрүгә ярдәм итә торган уңышлы тәҗрибәләрне ачыкларга ярдәм итә.
Өстәп әйтик, 28 ноябрьдә «Сенеж» идарәсе остаханәсендә «Иң яхшы остазлык практикасы» федераль конкурсының 15 җиңүчесе һәм призерлары билгеләнәчәк. Анда 10 майдан 30 июльгә кадәр РФнең 71 субъектында узган төбәк этапларының 90 финалисты катнашкан.
Бүләкләү «Хезмәт җитештерүчәнлеге һәм остазлык-2024» форумында булачак. Катнашучыларны теркәү 25 ноябрьгә кадәр дәвам итәчәк.