КДЭУда электр энергетикасы өлкәсендә лаборатория ачылды
Россия энергетика министры Сергей Цивилев, Татарстан Премьер-министры урынбасары - Татарстан сәнәгать һәм сәүдә министры Олег Коробченко катнашында КДЭУда «Energynet.Lab» электр энергетикасы өлкәсендә фәнни-белем бирү лабораториясе ачылды.
Әлеге проектның индустриаль партнеры булып «Таврида электрик» компанияләр төркеме тора.
«Безнең Казан энергоуниверситеты фәндә дә, практикада да көчле. Соңгы 5 елда югары уку йорты командасы Татарстанның 7 шәһәрен, Йошкар-Оланы һәм Грозныйны җылылык белән тәэмин итү схемасының электрон моделен эшләде, - диде министр. - Университетның фәнни эшләнмәләре Татарстанның энергетика предприятиеләрендә - «Сетевая компания», «Татэнерго», «ТГК-16» кулланыла. Энергия университетында иң яхшы белгечләрне әзерләү өчен тагын бер лаборатория барлыкка килүенә без шат. Бу республиканы югары квалификацияле кадрлар белән тәэмин итәргә, фәнне үстерергә һәм инновацияләрне җитештерүгә кертергә ярдәм итәчәк», - диде Олег Коробченко.
Әлеге лаборатория кысаларында эшчәнлекнең киң спектры планлаштырылган:
- мәгариф эшчәнлеге өлкәсендә - «Бүлү челтәрләрен цифрлы модельләштерү» темасы буенча практик һәм лаборатория дәресләрен гамәлгә ашыру;
- фәнни эшчәнлек өлкәсендә - район электр челтәрләре активларының торышын тикшерү, имитацион модельләштерү, челтәрләрнең топологияләрен тикшерү;
- проект эшчәнлеге өлкәсендә - челтәрләрне автоматлаштыру проектларын озата бару, челтәрләрне модельләштерү, челтәрләрне технологик тикшерү.
Шулай ук КГЭУда СИБУР ярдәме белән ана һәм бала бүлмәсе булдырганнар.