«Ел инженеры» республика конкурсына гаризалар кабул ителә башлады
Ул 2019 елдан башлап инженер һөнәрен популярлаштыру, шулай ук республиканың төп предприятиеләрен квалификацияле инженер персоналы белән тәэмин итү максатларында үткәрелә.
Конкурсның уникальлеге шунда ки, ул 3 яшь категориясендә катнашучыларны – югары уку йортлары студентларын, югары уку йортлары һәм җитештерүнең 12 төп тармагында предприятиеләрнең яшь һәм тәҗрибәле хезмәткәрләрен үз эченә ала:
- машина төзелеше (автомобиль төзелеше, суднолар төзү, станоклар төзү);
- авиация сәнәгате;
- приборлар төзү, шул исәптән оптик-электрон һәм медицина;
- радиоэлектроника, элемтә, фотоника, телекоммуникацияләр;
- газ сәнәгате;
- энергетика;
- җиңел, агач эшкәртү, целлюлоза-кәгазь сәнәгате;
- химия, нефть химиясе, биотехнологияләр;
- нефть сәнәгате
- төзелеш, төзелеш материаллары җитештерү;
- транспорт, юл хуҗалыгы;
- авыл хуҗалыгы, азык-төлек, эшкәртү сәнәгате.
Конкурс 2 турдан тора – читтән торып һәм көндезге. Ул гамәлдә булган чорда анда 1 меңнән артык кеше катнашкан.
«Конкурсның дүрт еллык тәҗрибәсен анализлау күрсәткәнчә, конкурска кызыксыну даими үсә, – диде Татарстан сәнәгать һәм сәүдә министрының беренче урынбасары Родион Карпов. – Мисал өчен, «Булачак инженерлар» категориясендә конкурс активлыгы 3 тапкырдан артыкка үсте».
Гаризалар 7 ноябрьгә кадәр конкурсның рәсми сайтында әлеге сылтама аша кабул ителә.
Катнашу сораулары буенча әлеге телефоннар аша мөрәҗәгать итәргә: +7 (843) 210-05-97, +7 (843) 210-05-95.