Мексикада РФ Сәүдә вәкиле: «Мексика бизнесы төрле илләр, шул исәптән Россия белән хезмәттәшлеккә ачык»

2024 елның 12 сентябре, пәнҗешәмбе

Татарстан сәнәгать һәм сәүдә министры урынбасары  Герман Лернер җитәкчелегендә Мексика Кушма Штатларында РФ Сәүдә-икътисадый вәкиле  Александр Абрамов белән онлайн-очрашу узды.

Чара Экспортка ярдәм яклау үзәге белән берлектә оештырылган иде. Анда Татарстанның 20дан артык компаниясе катнашты.

Мексикада РФ сәүдә вәкиленең төп тезислары:

• Мексика Кушма Штатлары Хөкүмәтенең сәясәте чит ил инвесторларын җәлеп итүгә юнәлдерелгән.
• Бизнес сәясәтләштерелмәгән һәм төрле илләр, шул исәптән Россия белән хезмәттәшлеккә ачык.
• Россия-Мексика хезмәттәшлеге үсеш тенденциясенә ия. Мексика елына 5 млн тонна бодай экспортлый, шуның миллионы – Россиягә.
• Мексика бизнесы дару препаратлары өлкәсендә дә хезмәттәшлеккә ачык.
• Дәүләт территориясендә 200гә якын технопарк бар, аларда салым ташламалары һәм резидентлар өчен өстенлекләр бар.

Чара «Халыкара кооперация һәм экспорт» илкүләм проекты максатларына ирешүгә ярдәм итә.